Air India: ఎయిర్ ఇండియా విమానాల్లో ఏమి జరుగుతోంది?
లండన్ నుండి ముంబైకి బయలుదేరిన ఎయిర్ ఇండియా విమానం
లండన్ నుండి ముంబైకి బయలుదేరిన ఎయిర్ ఇండియా విమానం AI-130 లో ఇద్దరు సిబ్బంది, ఐదుగురు ప్రయాణికులు అస్వస్థతకు గురయ్యారు. వీరంతా తల తిరుగుతున్నట్లు, వికారంతో బాధపడినట్లు ఎయిర్లైన్స్ ప్రతినిధి తెలిపారు. అనారోగ్యానికి సంబంధించి భయం ఉన్నప్పటికీ, బోయింగ్ 777 విమానం తన ప్రయాణాన్ని కొనసాగించి ముంబైలో సురక్షితంగా ల్యాండ్ అయింది. అక్కడ ఇప్పటికే వైద్య బృందాలు వేచి ఉన్నాయి. "ల్యాండింగ్ తర్వాత, ఇద్దరు ప్రయాణికులు, ఇద్దరు క్యాబిన్ సిబ్బంది అనారోగ్యంతో బాధపడుతున్నారు, వారిని తదుపరి పరీక్ష కోసం ఆసుపత్రికి తీసుకెళ్లారు. తరువాత డిశ్చార్జ్ చేశారు. మేము ఈ సంఘటనపై దర్యాప్తు చేస్తున్నాము" అని ఎయిర్ ఇండియా ప్రతినిధి తెలిపారు.
దీనికి గల కారణంపై ఇంకా అధికారిక ధృవీకరణ రాలేదు. అయితే, ఒక మీడియా నివేదిక ప్రకారం ఆక్సిజన్ లేకపోవడం వల్ల అనేక మంది ప్రయాణికులు వికారం, తల తిరుగుతున్నట్లు భావించారు. ఇది డీకంప్రెషన్ లేదా క్యాబిన్ ప్రెజర్ క్రమంగా తగ్గడం వల్ల సంభవిస్తుంది. ఈ సంఘటనల వెనుక ఫుడ్ పాయిజనింగ్ కారణమని కూడా మరో నివేదిక తెలిపింది.