ఎయిర్ పోర్టుల్లో సాంకేతిక సమస్య.. మంత్రి సమీక్ష

బెంగళూరు నుంచి ఢిల్లీ చేరకున్న మంత్రి రామ్మోహన్ నాయుడు ఈరోజు ఉదయం నుంచి అధికారులతో సమీక్ష నిర్వహిస్తున్నారు. హైదరాబాద్ లోని రాజీవ్ గాంధీ అంతర్జాతీయ విమానశ్రయంలోనూ సాంకేతిక సమస్యలు తలెత్తాయి. దీంతో పాటు ముంబయి వంటి నగరంలోనూ ఇబ్బందులు వచ్చాయి. దీనిపై రామ్మోహన్ నాయుడు ఎయిర్ పోర్టు అథారిటీతో పాటు, డీజీసీఏ, ఎయిర్ పోర్టు అధికారులతో సమావేశమయ్యారు. విమానాలు ఆలస్యమవుతుండటంతో ప్రయాణికులు అసహానికి గురవుతున్న నేపథ్యంలో వాటిని అధిగమించేందుకు ఏం చేయాలన్న దానిపై అధికారులతో చర్చిస్తున్నారు.