సంక్రాంతి బరిలోకి "వాల్తేరు వీరయ్య"

జాలర్ల జీవితం ఆధారంగా సాగే కథ కావడంతో.. ఈ సినిమాలో చిరంజీవి మాస్ లుక్ లో కనిపించనున్నారు. యాస .. డైలాగ్ డెలివరీ .. లుక్ డిఫరెంట్ గా ఉండనున్నాయి. ఈ మధ్య వాల్తేరు వీరయ్య గురించి ఎలాంటి అప్డేట్ లేకపోవడంతో సంక్రాంతి బరిలో నుంచి తప్పుకుందనుకున్నారు అంతా. తాజాగా ఈ సినిమా డబ్బింగ్ కార్యక్రమాలు మొదలైనట్టుగా మేకర్స్ అప్ డేట్ వదిలారు. సినిమా పూర్తయ్యాకే డబ్బింగ్ సెషన్ మొదలవుతుంది కాబట్టి.. వాల్తేరు వీరయ్య సంక్రాంతి బరిలోకి దిగడం ఖాయమని తెలుస్తోంది. ఈ సినిమాకు దేవిశ్రీ సంగీతం అందిస్తుండగా.. రవితేజ ప్రతినాయకుడిగా కనిపించనున్నాడు. శృతిహాసన్, కేథరిన్ థెరిసాలు నటిస్తున్నారు.