"ఆచార్య" పై పోలీసులకు ఫిర్యాదు చేసిన ఆర్ఎంపీ డాక్టర్లు

రైటర్ భాస్కరబట్ల రాసిన ఈ పాట లిరిక్స్ లో.. "ఏడేడో నిమరోచ్చని కుర్రాళ్లు ఆర్ఎంపీలు అయిపోతున్నారే" అంటూ ఓ లైన్ వస్తుంది. ఇప్పుడీ లైనే ఆర్ఎంపీలకు నచ్చలేదు. అంటే యువకులు రెజీనా లాంటి స్త్రీని ముట్టుకునే అవకాశం కోసం ఆర్ఎంపీ డాక్టర్ అవుతున్నారని అర్థం వచ్చేలా ఉందా లిరిక్. రిజిస్టర్డ్ మెడికల్ ప్రాక్టీషనర్ వైద్యులు పాటలోని ఈ వాక్యాన్ని తప్పుగా భావిస్తున్నారు. ఈ పాట తమ వృత్తిని అవమానించేలా ఉందని పోలీసులకు ఫిర్యాదు చేశారు. తెలంగాణ, జనగామకు చెందిన ఆర్ఎంపీ వైద్యుల సంఘం పోలీసులకు ఫిర్యాదు చేసింది. పాట రచయిత, దర్శకుడిపై తగు చర్యలు తీసుకోవాలని వారు డిమాండ్ చేశారు. ఈ విమర్శపై ఆచార్య టీమ్ ఎలా స్పందిస్తుందో చూడాలి.