పుష్ప ట్రైలర్ టీజ్.. 6న ఫుల్ ట్రైలర్
భారీ అంచనాలతో వస్తోన్నచిత్రం పుష్ప. ఈ సినిమా ట్రైలర్ ఎప్పుడెప్పుడు వస్తుందా అని అభిమానులు ఆసక్తిగా ఎదురుచూస్తున్నారు
తెలుగు ఫిలిం ఇండస్ట్రీ భారీ సినిమాల విడుదల సీజన్ మొదలైంది. అఖండ తో భారీ సినిమాల విడుదలకు మంచి బజ్ ప్రారంభమయిందనే చెప్పాలి. దాని తర్వాత భారీ అంచనాలతో వస్తోన్న పాన్ ఇండియా చిత్రం పుష్ప. ఈ సినిమా ట్రైలర్ ఎప్పుడెప్పుడు వస్తుందా అని అటు అల్లు అర్జున్, మెగా అభిమానులు, ఇటు సినీ ప్రియులు ఎంతో ఆసక్తిగా ఎదురుచూస్తున్నారు. డిసెంబర్ 6వ తేదీన పుష్ప - పార్ట్ 1 సర్ ప్రైజ్ ఉంటుందని చిత్ర బృందం ప్రకటించిన సంగతి తెలిసిందే.
27 సెకన్ల నిడివి....
కాగా.. శుక్రవారం ట్రైలర్ కు సంబంధించి 27 సెకన్ల నిడివి గల ట్రైలర్ టీజ్ ను విడుదల చేసింది చిత్ర బృందం. ఈ వీడియోలో.. సినిమాలోని కీలక పాత్రల్ని, థీమ్‌ని పరిచయం చేసే ప్రయత్నం చేశారు. కానీ ట్రైలర్ టీజ్ చాలా ఫాస్ట్ గా ఉండటంతో అభిమానులు కాస్త నిరాశకు గురయ్యారనే చెప్పాలి. ఈ సినిమాలో ఎవరెవరు ఏ పాత్ర పోషించారో చూడాలనుకుంటే మాత్రం ట్రైలర్ టీజ్ చూసేటప్పుడు యూట్యూబ్‌ ప్లే సెట్టింగ్స్‌లో స్పీడ్‌ను 0.25Xకు తగ్గించుకుంటే 'పుష్ప' అసలు ప్రపంచం కనపడుతుంది.
డిసెంబరు 17న...
సుకుమార్ దర్శకత్వంలో అల్లు అర్జున్, రష్మిక మందన్న హీరో హీరోయిన్లుగా తెరకెక్కుతోన్న పుష్ప - పార్ట్ 1 డిసెంబర్ 17వ తేదీన థియేటర్లలో సందడి చేయనుంది. దేవిశ్రీ ఈ సినిమా పాటలకు సంగీతాలు సమకూర్చగా.. ఇప్పటి వరకూ విడుదలైన నాలుగు పాటలు సూపర్ హిట్ టాక్ ను సొంతం చేసుకున్నాయి.