చిరంజీవి ఫైట్ మాస్టర్ కు ఎన్ని కష్టాలు వచ్చాయో

కన్నన్ జూన్ 18న పాస్టర్ వీడియోను సోషల్ మీడియాలో పోస్ట్‌ చేశారు. విదేశీ మతాచారాలు ఇలానే ఉంటాయంటూ కనల్ కన్నన్ ఓ యువతితో పాస్టర్ డ్యాన్స్ చేస్తున్న వీడియోను షేర్ చేశారు. ఆ వీడియోకు ఓ తమిళ సాంగ్ ను కూడా జోడించాడు కనల్ కన్నన్. ఆస్టిన్ బెన్నెట్ కన్నన్‌పై పోలీసులకు సమాచారం అందించాడు. నాగర్‌కోయిల్ క్రైమ్ బ్రాంచ్‌లో ఫిర్యాదు చేశాడు. ఈ ఫిర్యాదు ఆధారంగా కనల్ కన్నన్ పై సంబంధిత సెక్షన్ల కింద ఎఫ్‌ఐఆర్ నమోదు చేశారు. బెన్నెట్ తన ఫిర్యాదులో ఈ వీడియోను ఎడిట్ చేశారని, క్రైస్తవ మతం ప్రతిష్టను దిగజార్చడానికి, విభిన్న మతాల మధ్య ద్వేషాన్ని ప్రేరేపించే ఉద్దేశ్యంతో ఈ ట్వీట్ చేశారని ఆరోపించారు. విచారణకు హాజరు కావాల్సిందిగా పోలీసులు కన్నన్‌కు సమన్లు ​​జారీ చేయడంతో.. జూలై 10వ తేదీ ఉదయం 10 గంటలకు నాగర్‌కోయిల్ సైబర్ క్రైమ్ బ్రాంచ్ పోలీస్ స్టేషన్‌కు వెళ్లారు. సాయంత్రం 7 గంటలకు పోలీసులు ఆయన్ను అరెస్టు చేసి జ్యుడిషియల్ రిమాండ్ కోసం జిల్లా మేజిస్ట్రేట్ ముందు హాజరుపరిచారు. ఇది పూర్తిగా డీఎంకే ప్రభుత్వం ప్రేరేపిత కేసని హిందూ సంఘాలు ఆందోళనకు దిగాయి.