పవన్ సినిమా వసూళ్లను దెబ్బకొడుతున్నది ఎవరంటే?

పవర్ స్టార్ పవన్ కళ్యాణ్, సుప్రీం హీరో సాయి తేజ్ హీరోలుగా నటిస్తున్న సినిమా 'బ్రో'. ఓ వైపు తెలుగు రాష్ట్రాల్లో భారీ వర్షాలు పడుతూ ఉన్నా.. సినిమాకు క్రేజ్ మాత్రం తగ్గడం లేదు. ఇప్పటికే ఆన్ లైన్ లో టికెట్స్ ను అందుబాటులోకి తీసుకుని వచ్చారు. అయితే మెట్రో సిటీలలో మాత్రం మల్టీప్లెక్స్ లలో బాగా దెబ్బ తగిలింది. చాలా థియేటర్లలో హాలీవుడ్ సినిమాలు సందడి చేస్తూ ఉండడంతో మొదటి రోజే సినిమాను చూడాలని అనుకుంటున్న వాళ్లకు టికెట్లు దక్కడం లేదు. ఓపెన్ హైమర్, బార్బీ, మిషన్ ఇంపాజిబుల్ 7 ఈ మూడు చిత్రాలు మంచి ఆక్యుపెన్సీతో నడుస్తూండటంతో మల్టిప్లెక్స్ లలో నుండి ఈ సినిమాలను తీసేయడానికి ఒప్పుకోవడం లేదని తెలుస్తోంది. దాదాపు 95 కోట్ల షేర్ వస్తేనే బ్రేక్ ఈవెన్ అవుతుందని టాక్ నడుస్తోంది. వర్షాలు తగ్గితే సినీ అభిమానులు సినిమాలకు పోటెత్తుతారనే విషయం తెలిసిందే.. గతంలో పలు సినిమాలు అలాంటి టైమ్ లోనే హిట్ గా నిలిచాయి.