రవితేజ పై ఫైర్ అవుతున్న యశ్ ఫ్యాన్స్..

ఇంతకీ రవితేజ ఏం కామెంట్స్ చేశాడు..? అసలు విషయం ఏంటంటే.. ఇంటర్వ్యూలో సౌత్ యాక్టర్స్ గురించి ఒక మాటలో చెప్పమని రవితేజని ప్రశ్నించారు. ఈక్రమంలోనే ఒక్కో హీరో పేరు చెబుతూ వస్తుండగా, వారి గురించి రవితేజ ఒక మాటలో చెబుతూ వచ్చాడు. అలా యశ్ గురించి అడగగా, రవితేజ బదులిస్తూ.. "తన సినిమాల్లో నేను కేజీఎఫ్ మాత్రమే చూశాను. ఆ మూవీ చేయడం తన లక్" అంటూ కామెంట్ చేశాడు. అయితే రవితేజ 'లక్' అన్న పదాన్ని యశ్ ఫ్యాన్స్ తప్పుగా అర్ధం చేసుకొని.. రవితేజ పై ఆగ్రహం వ్యక్తం చేస్తున్నారు.

ఇక ఇదే ఇంటర్వ్యూలో రవితేజ.. రామ్ చరణ్, ప్రభాస్, రాజమౌళి, తమిళ్ హీరో విజయ్ గురించి కూడా కామెంట్స్ చేశాడు. రామ్ చరణ్ డాన్స్ అంటే తనకి చాలా ఇష్టమని చెప్పుకొచ్చాడు. ఇక ప్రభాస్ కట్ అవుట్ అంటే ఇష్టమని, రాజమౌళి విజన్, విజయ్ డాన్స్ ఇష్టమని తెలియజేశాడు. ప్రస్తుతం ఇందుకు సంబంధించిన వీడియో నెట్టింట వైరల్ అవుతుంది.

టైగ‌ర్ నాగేశ్వ‌ర‌రావు సినిమా విషయానికి వస్తే.. అక్టోబర్ 20న తెలుగు, తమిళ్, మలయాళ, కన్నడ, హిందీ భాషలతో పాటు సైన్ లాంగ్వేజ్స్ లో కూడా రిలీజ్ కాబోతుంది. చెవులు వినిపించని వారికోసం సైన్ లాంగ్వేజ్ లో ఈ మూవీని రిలీజ్ చేయబోతున్నారు. ఈ సినిమా 19వ శతాబ్దంలోని ఆంధ్రప్రదేశ్ స్టూవర్టుపురం ప్రాంతంలో పేరు మోసిన గజదొంగ టైగర్ నాగేశ్వరరావు లైఫ్ స్టోరీ నేపథ్యంతో రాబోతుంది.