మెగాస్టార్ చిరంజీవిని దురదృష్టవంతుడన్న బేబీ డైరెక్టర్

వైష్ణవి చైతన్య, ఆనంద్ దేవరకొండ, విరాజ్ అశ్విన్ ప్రధాన పాత్రలుగా సాయి రాజేష్ దర్శకత్వంలో తెరకెక్కిన సినిమా 'బేబీ'. బేబీ మూవీ మెగా సెలబ్రేషన్స్ ఈవెంట్ కు ముఖ్య అతిథిగా మెగాస్టార్ చిరంజీవి విచ్చేశారు. చిత్ర బృందాన్ని ప్రశంసల్లో ముంచెత్తారు. ఈ ఈవెంట్ లో డైరెక్టర్ సాయి రాజేష్ మాట్లాడుతూ.. మెగాస్టార్ చిరంజీవిని దురదృష్టవంతుడని అన్నారు. అందుకు కారణం మెగాస్టార్ అయిపోవడం కారణంగా మీరు చిరంజీవికి అభిమాని కాలేకపోయారని.. చిరంజీవి ఆరాధిస్తూ తాము మాత్రం ఎంతో అదృష్టవంతులమని చెప్పారు. "మీరు ఒక విషయంలో అన్ లక్కీనో నేను చెప్తాను. ఒక చిరంజీవి అభిమానికి ఉండే అదృష్టం మీకు లేదు. మా లైఫ్ ఎప్పటికి మీరు చూడలేరు. ఏం ఏం చేస్తాం.. ఎలా ఉంటాం అనేది మీకు తెలియదు. అభిమానులుగా మేము బాధలో ఉన్నా, సంతోషంలో ఉన్నా గుర్తొచ్చేది మీరే, వినేది మీ పాటే. మా పారాసిటమాల్ మీరే.. మా మ్యాన్షన్ హౌస్ మీరే.. అది అమెరికా అయినా, చిన్న ఊరిలో ఆటోవాలా అయినా మీ సినిమాలు, మీ పాటలే అసలైన కిక్కు." అని చెప్పగానే ఆడిటోరియం కేకలతో హోరెత్తిపోయింది.