ట్విట్టర్ సీఈఓగా బాధ్యతలను స్వీకరించిన ఎలాన్ మస్క్.. మొదటి వేటు మనవాడిపైనే..!
ఏప్రిల్‌లో సోషల్ మీడియా కంపెనీని కొనుగోలు చేయడానికి మొదటి బిడ్ చేసిన నెలల తర్వాత, టెస్లా CEO, ప్రపంచంలోని అత్యంత సంపన్న వ్యక్తి ఎలోన్ మస్క్ గురువారం ట్విట్టర్ యజమాని అయ్యారు. వాల్ స్ట్రీట్ జర్నల్ ప్రకారం వచ్చీ రాగానే ట్విట్టర్ చీఫ్ ఎగ్జిక్యూటివ్ పరాగ్ అగర్వాల్, చీఫ్ ఫైనాన్షియల్ ఆఫీసర్ నెడ్ సెగల్‌లను తొలగించారు. ఇద్దరు ఎగ్జిక్యూటివ్‌లు కంపెనీ శాన్‌ఫ్రాన్సిస్కో ప్రధాన కార్యాలయం నుండి వెళ్లిపోయారు.. వారు తిరిగి వచ్చే అవకాశం లేదని తెలిపారు. ట్విటర్‌లోని ఇండియన్‌ సీఈవో అగర్వాల్, సెగల్‌తో పాటు లీగల్‌ పాలసీ, ట్రస్ట్‌, సేఫ్టీ హెడ్‌ విజయ గద్దెలను కూడా తొలగించినట్లు వాషింగ్టన్‌ పోస్ట్‌ పేర్కొంది. ట్విట్టర్ తన చేతికి వచ్చిన తర్వాత ఉద్యోగులను భారీగా తొలగిస్తారంటూ వస్తున్న వార్తలపై మస్క్ స్పందించారు. 75 శాతం ఉద్యోగులను తాను తొలగించబోనని స్పష్టం చేశారు.