Plane Crash : బొలీవియాలో కూలిన విమానం... పదిహేను మంది మృతి

ఈ కార్గో విమానం నగరమైన ఎల్ ఆల్టో లో వాహనాలను ఢీకొట్టిన తరువాత సమీపంలోని పొలంలో ఆగిందని సోషల్ మీడియాలో ప్రచారంలో ఉన్న చిత్రాలు చూపిస్తున్నాయి. ప్రమాదం సమయంలో విమానం ఎగురుతున్నదా లేక దిగుతున్నదా అన్న విషయంలో భిన్న సమాచారం వెలువడుతోంది. ప్రమాద స్థలంలో విమాన అవశేషాలు, ధ్వంసమైన కార్లు, మృతదేహాలు రహదారిపై కనిపించాయి. కనీసం 15 వాహనాలు ప్రమాదంలో చిక్కుకున్నాయని టోవార్ తెలిపారు. మంటలు చెలరేగిన విమానాన్ని అగ్నిమాపక సిబ్బంది అదుపులోకి తెచ్చారు.

ఈ విమానం బొలీవియా వైమానిక దళానికి చెందిన హెర్క్యులిస్ విమానం. సెంట్రల్ బ్యాంక్ ఆఫ్ బొలీవియా నుంచి ఇతర నగరాలకు కొత్త కరెన్సీ నోట్లు తరలిస్తున్నది. ప్రమాద స్థలంలో పెద్ద మొత్తంలో నోట్లు చెల్లాచెదురుగా పడ్డాయి. సోషల్ మీడియాలో తిరుగుతున్న చిత్రాల్లో ప్రజలు నోట్లు ఏరుకునేందుకు పరుగులు తీస్తుండగా, అల్లర్ల నియంత్రణ దుస్తుల్లో ఉన్న పోలీసులు వారిని చెదరగొట్టేందుకు ప్రయత్నిస్తున్నట్టు కనిపించింది. అధికారులు తాత్కాలికంగా విమానాశ్రయం నుంచి అన్ని రాకపోకల్ని నిలిపివేశారు.