Hyderabad : సోమాజిగూడలో అగ్ని ప్రమాదం

సోమాజిగూడలోని రాజ్‌భవన్‌ రోడ్డులో ఉన్న ఓ వైన్‌షాప్‌లో శనివారం తెల్లవారుజామున అగ్ని ప్రమాదం చోటుచేసుకుంది. సమాచారం అందుకున్న వెంటనే అగ్నిమాపక సిబ్బంది అక్కడికి చేరుకున్నారు. సిబ్బంది తక్షణ చర్యలతో మంటలను అదుపులోకి తీసుకొచ్చారు. ప్రాథమిక సమాచారం ప్రకారం షార్ట్‌సర్క్యూట్‌ కారణంగా ఈ ఘటన జరిగి ఉండొచ్చని అనుమానిస్తున్నారు. ఈ ప్రమాదంలో ఎలాంటి ప్రాణనష్టం జరగలేదని అధికారులు తెలిపారు.