ఫ్యాక్ట్ చెక్: అమెరికాలోని ప్రస్తుత పరిస్థితి అంటూ జరుగుతున్న ప్రచారంలో నిజం లేదు

US నుండి 112 మంది అక్రమ భారతీయ వలసదారులతో కూడిన మూడవ బ్యాచ్ ఫిబ్రవరి 16, 2025న అమృత్‌సర్ విమానాశ్రయంలో దిగింది. రెండవ బ్యాచ్ లో 119 మంది భారతీయులు భారత్ కు వచ్చారు. అక్రమ వలసలపై అమెరికా అధ్యక్షుడు డొనాల్డ్ ట్రంప్ అణిచివేత ధోరణిలో భాగంగా అక్రమ వలసదారులందరినీ వారి స్వదేశాలకు తిరిగి పంపించే వరకూ ఈ బహిష్కరణ కొనసాగుతుంది.

యునైటెడ్ స్టేట్స్‌తో ఒప్పందం చేసుకున్న తరువాత పనామా సిటీలోని ఒక హోటల్‌లో దాదాపు 300 మంది వలసదారులను నిర్బంధించారు. భారతదేశం, ఇరాన్, నేపాల్, శ్రీలంక, పాకిస్తాన్, ఆఫ్ఘనిస్తాన్, చైనాతో సహా దాదాపు పది ఆసియా దేశాల నుండి వచ్చిన వలసదారులు అమెరికా నుండి బహిష్కరించారు. వారిని స్వదేశాలకు పంపిస్తూ ఉన్నారు అధికారులు. కొన్ని నివేదికల ప్రకారం, పనామాలోని హోటల్‌లో నిర్బంధించిన వారిలో దాదాపు 30 మంది భారతీయులు ఉన్నారు.పోలీసు సిబ్బంది కొంతమంది వ్యక్తులను హింసాత్మకంగా వెంబడించి, వారిని కాఫీ షాప్ ముందు పట్టుకున్న వీడియో వైరల్‌ అవుతోంది. ఈ వీడియో USAలో వర్క్ పర్మిట్ లేకుండా చట్టవిరుద్ధంగా పని చేస్తున్న వ్యక్తులను వెంబడిస్తున్న పరిస్థితి అంటూ చెబుతున్నారు. దీనితో తమకు కావలసిన వారు విదేశం లో ఎన్ని కష్టాలు పడవలసి వస్తొనదో అని చాలా మంది భారతీయులు భయపడుతున్నారు.