ఫ్యాక్ట్ చెక్: వైరల్ చిత్రం సూపర్ వాసుకి ట్రైన్ కి సంబంధించినది కాదు
భారతీయ రైల్వేలు భారతదేశ రవాణా వ్యవస్థకు వెన్నెముకగా ఉన్నాయి. 2024 నాటికి, భారతీయ రైల్వేలు ప్రపంచంలో నాల్గవ అతిపెద్ద
Super Vasuki
భారతీయ రైల్వే, భారతదేశ రవాణా వ్యవస్థకు వెన్నెముకగా నిలిచింది. 2024 నాటికి, భారతీయ రైల్వేలు ప్రపంచంలో నాల్గవ అతిపెద్ద నెట్వర్క్గా గుర్తింపు పొందింది. భారత రైల్వే వ్యవస్థలో ప్రతీ ఏడాది మార్పులు జరుగుతూనే ఉన్నాయి. కొత్త కొత్త రైళ్లను తీసుకుని వస్తూ ఉన్నారు. తాజాగా వందే భారత్ ఎక్స్ ప్రెస్ లు కూడా ఇండియన్ రైల్వేలో కీలక భూమికను పోషిస్తూ ఉన్నాయి. ఆజాదీ కా అమృత్ మహోత్సవ్ వేడుకల్లో భాగంగా భారతీయ రైల్వే తన పొడవైన సరుకు రవాణా రైలు సూపర్ వాసుకి టెస్ట్ రన్ నిర్వహించింది. ఇంతలో, వందల కొద్దీ గూడ్స్ బోగీలతో పొడవైన గూడ్స్ రైలు చిత్రం ‘సూపర్ వాసుకి’ రైలును చూపుతుందనే వాదనతో సోషల్ మీడియాలో ప్రచారంలో ఉంది.
“సాధారణంగా ఓ గూడ్స్ రైలుకు 25.. లేదా మహా అయితే 50 బోగీలు ఉంటాయి. కానీ ఇక్కడ ఈ రైలుకు ఉన్నది ఏకంగా 295 బోగీలు.. ఈ భారీ అనకొండ ఏ ప్రాంతం నుంచి.. ఎక్కడి వరకు వెళ్తుందో ఇప్పుడు తెలుసుకుందామా.. ప్రపంచంలోనే నాలుగో అతిపెద్ద రైల్వే నెట్వర్క్గా భారతీయ రైల్వే పేరుగాంచింది. ప్రతీ రోజూ సుమారు 4 కోట్ల మండి ప్రయాణీకులను తమ గమ్యస్థానాలకు చేరుస్తోంది ఇండియన్ రైల్వే. ప్రపంచంలోనే అతి ఎత్తైన వంతెనపై.. అలాగే ప్రకృతి మధ్యలో నుంచి వెళ్లే రైళ్లు ఉన్నాయి. ఈ కోవలోనే భారతదేశంలో అత్యంత పొడవైన రైలు గురించి ఇప్పుడు తెలుసుకుందామా.. సాధారణంగా ఓ గూడ్స్ రైలుకు 25.. లేదా మహా అయితే 50 బోగీలు ఉంటాయి. కానీ ఇక్కడ ఈ రైలుకు ఉన్నది ఏకంగా 295 బోగీలు.. ఈ భారీ అనకొండను లాగేందుకు 6 ఇంజిన్లు పని చేస్తాయి. ఇంతకీ అదేంటంటే.. సూపర్ వాసుకి.. ఈ కార్గో రైలు పొడవు సుమారు 3.5 కిలోమీటర్లు. ఈ రైలుకు 15-20 కాదు ఏకంగా 295 కోచ్లు ఉన్నాయి. ఇక ఆ కోచ్లను లాగేందుకు 6 లోకోమోటివ్ ఇంజిన్లు పని చేస్తాయి. ఇంకా చెప్పాలంటే.. ఈ రైలు ఏ స్టేషన్ నుంచైనా దాటాలంటే.. దాదాపుగా గంట సమయం పడుతుంది. ఈ సూపర్ వాసుకి ట్రైన్ ద్వారా దేశంలోని వివిధ గనుల నుంచి సేకరించిన బొగ్గు పెద్ద విద్యుత్ ప్లాంట్లకు రవాణా చేయబడుతుంది. ఈ రైలు ఛత్తీస్గఢ్లోని కోర్బా నుంచి నాగ్పూర్లోని రాజ్నంద్గావ్ వరకు సుమారు 27 వేల టన్నుల బొగ్గును తీసుకెళ్తుంది. ఈ రెండు నగరాల మధ్య ఉన్న దూరాన్ని సూపర్ వాసుకి ట్రైన్ దాదాపు 11.20 గంటల్లో కవర్ చేస్తుంది. శివుడి మెడలోని వాసుకి సర్పం పేరును ఈ రైలుకు పెట్టారు. వాసుకిని పాముల రాజుగా పిలుస్తారు. దేవతులు, రాక్షసుల మధ్య సాగరాన్ని మథించడానికి తాడుకు బదులుగా వాసుకిని ఉపయోగించారు. ఈ పొడవైన రైలు కూడా కదులుతున్నప్పుడు, అచ్చం వాసుకి పాములా కనిపిస్తుందట. “ అంటూ పోస్టులు పెట్టారు
వైరల్ పోస్టుకు సంబంధించిన ఆర్కైవ్ లింక్ ను ఇక్కడ చూడొచ్చు.
ఫ్యాక్ట్ చెక్:
వైరల్ అవుతున్న వాదన ప్రజలను తప్పుదారి పట్టిస్తోంది. వైరల్ చిత్రం ‘సూపర్ వాసుకి’కి సంబంధించింది కాదు.
మేము "సూపర్ వాసుకి" అనే కీవర్డ్లను ఉపయోగించి శోధించినప్పుడు, భారతదేశంలోని అత్యంత పొడవైన, అత్యధిక బరువును తరలించే రవాణా రైలుకు సంబంధించిన అనేక వార్తా కథనాలను మేము కనుగొన్నాము.
ఆగస్ట్ 17, 2022న ప్రచురించిన NDTV నివేదిక ప్రకారం, భారతీయ రైల్వేలో స్వాతంత్ర్య దినోత్సవం రోజున 'సూపర్ వాసుకి' అని పిలిచే భారతదేశపు పొడవైన సరుకు రవాణా రైలును పరీక్షించాయి. ఆ రైలుకు సంబంధించిన వీడియో వైరల్ అవుతోంది. కేంద్ర ప్రభుత్వ ఆజాదీ కా అమృత్ మహోత్సవ్ వేడుకల్లో భాగంగా ఈ రైలును నడిపారు. ఇది 295 లోడెడ్ వ్యాగన్లతో 3.5 కిలోమీటర్ల పొడవున్న గూడ్స్ రవాణా రైలు. ఆగస్టు 15న ఛత్తీస్గఢ్లోని కోర్బా, నాగ్పూర్లోని రాజ్నంద్గావ్ మధ్య 27,000 టన్నుల బొగ్గును తీసుకువెళ్లారు. భారతీయ రైల్వే హయాంలో నడిపిన అత్యంత పొడవైన, బరువైన సరుకు రవాణా రైలు అని పేర్కొంది. రైలు స్టేషన్ను దాటడానికి నాలుగు నిమిషాల సమయం పడుతుందని వివరించారు. సూపర్ వాసుకి మోసుకెళ్లే బొగ్గు మొత్తం 3000 మెగావాట్ల పవర్ ప్లాంట్ను ఒక రోజు పూర్తిగా రన్ చేయడానికి సరిపోతుంది. ఒక ప్రయాణంలో దాదాపు 9,000 టన్నుల బొగ్గును మోసుకెళ్లే ప్రస్తుత రైల్వే రేక్ల కంటే ఇది మూడు రెట్లు ఎక్కువ మోసుకువెళ్తుంది. వార్తా సంస్థ పిటిఐ ప్రకారం, ఇటువంటి రైళ్లను మరింత ఎక్కువగా ఉపయోగించాలని రైల్వే యోచిస్తోంది, ముఖ్యంగా పవర్ స్టేషన్ల ఇంధన కొరతను నివారించడానికి డిమాండ్ ఎక్కువగా ఉన్న సీజన్లో బొగ్గును రవాణా చేయడానికి ఈ రైళ్లను ఉపయోగించాలి.
అశ్విని వైష్ణవ్ YouTube ఛానెల్లో ““Super Vasuki – India’s longest (3.5km) loaded train" అనే శీర్షికతో షేర్ చేసిన వీడియోను కూడా మేము కనుగొన్నాము.
మేము Google రివర్స్ ఇమేజ్ సెర్చ్ని ఉపయోగించి వైరల్ ఇమేజ్ని శోధించినప్పుడు, అదే చిత్రాన్ని చూపుతున్న కొన్ని వీడియోలను మేము కనుగొన్నాము. ఒక Facebook పేజీ ఫిబ్రవరి 4, 2025న అదే చిత్రాన్ని షేర్ చేసింది.
Flickr లో కూడా “A coal train at Converse Junction, Converse Wyoming” అనే టైటిల్ తో ఫోటోను షేర్ చేశారు.
వైరల్ చిత్రాన్ని పరీక్షించినప్పుడు, ఇంజిన్పై BNSF అని ఉంది. BNSF గురించి మరిన్ని వివరాల కోసం వెతకగా, BNSF రైలుకు సంబంధించిన సారూప్య చిత్రాలను చూపించే లింక్డ్ఇన్ పేజీని మాకు లభించింది. BNSF రైల్వే 28 రాష్ట్రాలు, మూడు కెనడియన్ ప్రావిన్సులలో సుమారు 32,500 రూట్ మైళ్లతో ఉత్తర అమెరికాలో అతిపెద్ద రైల్రోడ్ నెట్వర్క్లలో ఒకటిగా పనిచేస్తుంది. ఇంటర్మోడల్ ట్రాఫిక్లో ప్రపంచంలోని అగ్రశ్రేణి రవాణాదారులలో రైల్వే ఒకటి, ఇతర రైల్రోడ్ల కంటే ఎక్కువ ధాన్యం-ఉత్పత్తి చేసే ప్రాంతాలకు సేవలు అందిస్తుంది. ఆయా ప్రాంతాల ప్రజలు రోజూ తినే అనేక ఉత్పత్తులను రవాణా చేస్తుంది. BNSF రైల్వే అనేది మైనారిటీలు/మహిళలు/వెటరన్స్/వికలాంగులకు సమాన అవకాశం కల్పించే సంస్థ.
అందువల్ల, వైరల్ చిత్రం భారతదేశంలోని పొడవైన గూడ్స్ రైలును చూపదు, ఇది BNSFకి చెందిన గూడ్స్ రైలుకు సంబంధించింది. వైరల్ అవుతున్న వాదన ప్రజలను తప్పుదారి పట్టిస్తోంది.
Claim : వైరల్ చిత్రంలో ఉన్నది భారతీయ రైల్వే ప్రవేశ పెట్టిన 3.5 కిలోమీటర్ల పొడవైన గూడ్స్ రైలు ‘సూపర్ వాసుకి’
Claimed By : Social media users
Fact Check : Unknown