ఫ్యాక్ట్ చెక్: బంగ్లాదేశ్ లో చోటు చేసుకున్న ఘటనను భారత్ లో జరిగిందిగా ప్రచారం చేస్తున్నారు

2024-25 యూనియన్ బడ్జెట్ లో ఇండియన్ రైల్వేస్ కోసం రూ. 2.62 లక్షల కోట్ల బడ్జెట్ కేటాయింపులు జరిగాయి. ఇప్పటికే కేటాయించిన బడ్జెట్‌లో 70% పైగా FY24-25 కోసం ఉపయోగించుకుంది. వివిధ మౌలిక సదుపాయాల ప్రాజెక్టులను వేగవంతంగా సాగుతున్నాయి. స్టేషన్ల అభివుద్ది, రోడ్ అండర్ బ్రిడ్జిలు, రోడ్ ఓవర్ బ్రిడ్జిల నిర్మాణం, రైల్వే లైన్ పొడిగింపులు, గేజ్ మార్పిడి, కొత్త రైళ్లను ప్రవేశపెట్టడం వంటివి ఇందులో ఉన్నాయి. ట్రాఫిక్ కు అంతరాయం కలిగించకుండా రైల్వే గేట్స్ లేకుండా చేయాలని కూడా కేంద్రం ప్రతిపాదనలు చేస్తూ ఉంది.

అయితే ఓ వ్యక్తి రైల్వే గేట్ ను ఒక్కడే ఆపరేట్ చేస్తున్న వీడియో సోషల్ మీడియాలో వైరల్ అవుతూ ఉంది. గేట్ ను ఒక్క వ్యక్తే దించి ట్రాఫిక్ ను అడ్డుకోవడమే కాకుండా, పచ్చ జెండా కూడా ఊపడం అందులో చూడొచ్చు. ట్రైన్ వెళ్ళిపోయిన వెంటనే ఆ వ్యక్తి తిరిగి వచ్చి గేట్ ను ఎత్తడం ఆ వీడియోలో రికార్డు అయింది. ఒక్క వ్యక్తే అన్ని పనులూ చేయడం భారత్ లో మాత్రమే సాధ్యమవుతుందనే వాదనతో వీడియోను షేర్ చేస్తున్నారు.

ఫ్యాక్ట్ చెక్:

వైరల్ పోస్టులు ప్రజలను తప్పుదోవ పట్టిస్తున్నాయి.

ఈ వీడియో భారతదేశానికి చెందినది కాదు. బంగ్లాదేశ్ కు చెందింది. వైరల్ పోస్టు కింద పలువురు యూజర్లు ఇది భారతదేశంలో కాదు బంగ్లాదేశ్ కు చెందినది చెబుతూ వచ్చారు.

https://en.m.wikipedia.org/wiki/Bangladesh_Railway 

బంగ్లాదేశ్ రైల్వేస్ వికీపీడియా పేజీలో కూడా ఇదే ఫోటోను మీరు చూడొచ్చు. వైరల్ వీడియో లోని ట్రైన్ మీద ఉన్న లోగో, బంగ్లాదేశ్ రైల్వేస్ కు చెందిన లోగో ఒక్కటేనని గుర్తించాం.   

వైరల్ వీడియో లోని కీఫ్రేమ్స్ ను తీసుకుని గూగుల్ రివర్స్ ఇమేజ్ సెర్చ్ చేయగా బంగ్లాదేశ్ కు చెందిన ఫ్యాక్ట్ చెక్ పేజీ D-Intent Data లో ఇందుకు సంబంధించిన ట్వీట్ ను మేము గుర్తించాం.

"ఒక వ్యక్తి రైల్వే క్రాసింగ్‌ను మాన్యువల్‌గా నిర్వహిస్తున్నట్లు చూపించే వీడియో వైరల్ అవుతూ ఉంది. ఈ భారతదేశానికి చెందినదని పేర్కొన్నారు. కానీ ఈ వీడియో బంగ్లాదేశ్‌కి చెందినది." అంటూ వివరణ ఇచ్చారు. ప్రజలను తప్పుదోవ పట్టిస్తోంది అంటూ అందులో వివరణ ఇచ్చారు. బంగ్లాదేశ్ లోని పలు ప్రాంతాల్లో ఒక్కరే లెవెల్ క్రాసింగ్ పనులను చూసుకుంటూ ఉన్నారని పలు వీడియోలను ట్వీట్ లో ఉంచారు. 

కాబట్టి, వైరల్ వీడియో ప్రజలను తప్పుదోవ పట్టిస్తూ ఉంది. బంగ్లాదేశ్ లో చోటు చేసుకున్న ఘటనను భారత్ కు చెందినదిగా ప్రచారం చేస్తున్నారు.