డిజిటల్ అరెస్ట్‌ ఉచ్చులో రూ.7 లక్షలు పోగొట్టుకున్న ట్యూటర్

సెప్టెంబర్‌ 28న ఆమెకు ‘ప్రియా శర్మ’ అనే మహిళ నుంచి ఐవీఆర్‌ఎస్‌ కాల్‌ వచ్చింది. తాను ట్రై ఉద్యోగినని చెప్పి, సుగంధి ఆధార్‌ కార్డు ముంబయిలో అక్రమ సిమ్‌ కొనుగోలుకు ఉపయోగించారని ఆరోపించింది.

తర్వాత ఆమెను మరో వ్యక్తితో కలిపారు. అతను తాను సీబీఐ అధికారి విజయ్‌ ఖన్నా అని చెప్పి, ఆమెపై మనీ లాండరింగ్‌ కేసు (ఎఫ్‌ఐఆర్‌ నం. MH8805/09/25, ముంబయి) నమోదు అయిందని భయపెట్టాడు. ముంబయిలోని కెనరా బ్యాంకులో ఆమె పేరుతో ఖాతా తెరిచి దాంట్లో లావాదేవీలు జరిగాయని చెప్పాడు.

12 గంటలపాటు వీడియో కాల్‌లో ఉంచి బెదిరింపు

“మనీ లాండరింగ్‌ చట్టం ప్రకారం నిన్ను అరెస్ట్‌ చేయాలని ఆదేశాలు వచ్చాయి. నువ్వు మా నిఘాలో ఉన్నావు. ఎవరితోనూ మాట్లాడకూడదు” అని చెప్పి నకిలీ పత్రాలు పంపించాడు. అలాగే ఈడీ, సుప్రీం కోర్టు పేర్లతోనూ నకిలీ లేఖలు పంపారు.

మధ్యాహ్నం 1 గంట నుంచి రాత్రి 11 గంటల వరకు వీడియో కాల్‌లో ఉంచి బయటకు వెళ్లనీయలేదు. భయపడిన సుగంధి, పంజాగుట్టలోని హెచ్‌డీఎఫ్‌సీ బ్యాంకు ఖాతా నుంచి రూ.7 లక్షలు కేరళలోని కోజికోడ్‌ కాథలిక్‌ సిరియన్‌ బ్యాంకులో అనూప్‌ పీకే పేరుతో ఉన్న ఖాతాకు బదిలీ చేశారు. ‘వెరిఫికేషన్‌’ తర్వాత తిరిగి ఇస్తామని నమ్మబలికారు.

తరువాత పరిచయస్తుడి సలహాతో సుగంధి బషీర్‌బాగ్‌ సైబర్‌క్రైమ్‌ పోలీసులను సంప్రదించి ఫిర్యాదు చేశారు. పోలీసులు కేసు నమోదు చేసి దర్యాప్తు ప్రారంభించారు.