ఢిల్లీ యాక్సిడెంట్ కేసులో ట్విస్ట్.. బైక్ పై మరో యువతి కూడా..

ఆ సమయంలో అంజలితో పాటు ఆమె స్నేహితురాలు నిధి కూడా స్కూటీపై ఉందని, ఆమె స్నేహితురాలు నిధి స్వల్ప గాయాలతో బయట పడింది. ఆ తర్వాత భయంతో అక్కడి నుండి వెళ్లిపోయినట్లు పోలీసులు తెలుసుకున్నారు. హోటల్ దగ్గర బయలుదేరినపుడు స్కూటీని నిధి నడుపుతోందని.. దారి మధ్యలో సీట్లు మార్చుకుని స్కూటీని అంజలి డ్రైవ్ చేసిందని వివరించారు. నిధి ఆచూకీని కనుగొన్నామని, ప్రమాదం జరిగిన తీరుపై ఆమెను ప్రశ్నిస్తామని పోలీసులు తెలిపారు. కాగా.. ప్రమాదానికి కారణమైన ఐదుగురు యువకులు పోలీసుల విచారణలో.. తాము మద్యం మత్తులోనే ప్రమాదం చేసినట్లు అంగీకరించారు. అయితే.. కారుకింద ఏదో ఉందని ఐదుగురిలో ఒకడైన దీపక్ చెప్పగా.. మిగతా నలుగురు అతని మాటల్ని కొట్టిపారేసినట్లు తెలుస్తోంది.