తల్లి కళ్లెదుటే.. చిన్నారిని చిదిమేసిన వ్యాన్ చక్రాలు

వివరాల్లోకి వెళ్తే.. తూర్పుగోదావరి జిల్లా ప్రత్తిపాడు పోలీస్ స్టేషన్లో తోట సుమన్ విధులు నిర్వహిస్తున్నారు. డ్యూటీలో భాగంగా సుమన్ మూడ్రోజులు అంతర్వేదికి వెళ్లారు. అల్లుడు ఊళ్లో లేకపోవడంతో.. అత్త దుర్గాభవాని కూతురు స్వరూప, మనుమరాలు ఆద్య లను తన ఇంటికి తీసుకెళ్లేందుకు ప్రతిపాడు వచ్చింది. ముగ్గురూ ద్విచక్రవాహనంపై వేమగిరికి బయల్దేరారు. రాజానగరం సమీపంలోకి రాగానే.. వెనుక నుంచి ఓ వ్యాను అతివేగంగా వచ్చి ద్విచక్రవాహనాన్ని ఢీ కొట్టింది. అక్కడితో ఆగకుండా పాప తలపై నుంచి వ్యాన్ ముందుకు వెళ్లిపోవడంతో.. చిన్నారి అక్కడికక్కడే మృతి చెందింది. తల్లి, అమ్మమ్మలకు స్వల్ప గాయాలయ్యాయి. సమాచారం అందుకున్న పోలీసులు కేసు నమోదు చేసుకుని, పాప మృతదేహాన్ని రాజమండ్రి ప్రభుత్వాస్పత్రికి తరలించారు.