అదీ ఆ రౌడీ షీటర్ రేంజి.. పోలీస్ స్టేషన్ లో హ్యాపీ బర్త్ డే

రౌడీషీటర్ వి.మహేందర్ గౌడ్ జన్మదిన వేడుకలను ఆదివారం పోలీస్ స్టేషన్ లో ఎస్.ఐ టి.మాధవ్ గౌడ్ నిర్వహించారు. ఆ పోలీస్ స్టేషన్‌లోనే మహేందర్ గౌడ్ పేరుతో రౌడీషీట్ తెరిచి నోటీసు బోర్డుపై అతని ఫోటో కూడా ఉంది. ఆ వ్యక్తి నేపథ్యం పూర్తిగా తెలిసినప్పటికీ ఎస్‌ఐ పోలీస్‌స్టేషన్‌లోనే పుట్టినరోజు వేడుకలు నిర్వహించారు. ఘటనపై ఎస్‌ఐకి మెమో జారీ చేసి వివరణ కోరుతామని భూపాలపల్లి డీఎస్పీ ఏ సంపత్‌రావు తెలిపారు. ఎస్‌ఐపై కఠిన చర్యలు తీసుకోవాలని స్థానికులు పోలీసు సూపరింటెండెంట్‌ను కోరారు. ఫ్రెండ్లీ పోలీసింగ్ గురించి తెలుసు కానీ.. ఏకంగా పోలీసు స్టేషన్ లో క్రిమినల్ కు బర్త్ డే జరిపే అంత ఫ్రెండ్లీగా తెలంగాణ పోలీసులు ఉంటారని అసలు అనుకోలేదని నెటిజన్లు కామెంట్లు చేస్తున్నారు.