సంచలన ఘటన.. రిమాండ్ కు శిల్ప

యాదాద్రి కలెక్టరేట్ లో తోటి ఉద్యోగిపై మహిళా ఉద్యోగి కత్తితో దాడి చేసిన ఘటన సంచలనంగా మారిన సంగతి తెలిసిందే. ఆత్మకూర్ (ఎం) మండల ఏఓగా శిల్ప పనిచేస్తోంది. అదే మండలంలో మనోజ్​ ఏఈఓగా పనిచేసేవాడు. రైతువేదిక కారణంగా వారిద్దరి మధ్య సాన్నిహిత్యం ఏర్పడింది. కొంతకాలంగా శిల్ప తన భర్త నుంచి దూరంగా ఉంటోంది. మనోజ్, శిల్ప సన్నిహితంగా ఉంటున్నారని స్థానికులు ఫిర్యాదు చేయడంతో మనోజ్ ను అధికారులు యాదగిరిగుట్ట మండలం మాసాయిపేటకు ట్రాన్స్​ఫర్​ చేశారు. ఇటీవలే మనోజ్ కొన్నినెలల పాటు ఉద్యోగానికి సెలవు పెట్టాడు. శిల్ప, మనోజ్​ దూరంగా ఉంటున్నారు. వీరిద్దరి మధ్య పలుమార్లు ఫోన్​లో వాగ్వాదం జరిగింది. శిల్ప శుక్రవారం కలెక్టరేట్​లోని అగ్రికల్చర్​ ఆఫీసుకు వెళ్లారు. ఆ తర్వాత మనోజ్​ కూడా అదే ఆఫీసుకు వెళ్లాడు. ఆఫీసులోనే అందరి ముందు ఇద్దరి మధ్య వాగ్వాదం జరిగింది. ఆఫీసు నుంచి బయటకు వచ్చిన వారిద్దరూ వెహికల్​ పార్కింగ్​ ప్లేస్​లో మరోసారి గొడవకు దిగారు. ఈ సమయంలోనే శిల్ప కత్తితో మనోజ్​ మెడపై దాడి చేసింది.