మిస్టరీగా మారిన విద్యార్థి మిస్సింగ్ కేస్

హైదరాబాదులో ఐఐటి చదువుతున్న విద్యార్థి మిస్సింగ్ కేస్ మిస్టరీగా మారిపోయింది. నల్గొండ జిల్లా మిర్యాలగూడకు చెందిన కార్తిక్ (21) అనే యువకుడు హైదరాబాదులోని ఐఐటీలో సెకండ్ ఇయర్ చదువుతున్నాడు. ఈ నెల 17వ తేదీన కార్తీక్ ఐఐటి క్యాంపస్ నుండి బయటికి వెళ్లి తిరిగి రాలేదు. కార్తీక్ కు తల్లిదండ్రులు ఫోన్ చేస్తే స్విచ్ ఆఫ్ రావడంతో కంగారు పడిన తల్లిదండ్రులు ఈ నెల 19వ తేదీన క్యాంపస్ కి వచ్చారు. కానీ కార్తీక్ క్యాంపస్ లో లేకపోవడంతో తల్లిదండ్రులు ఒక్కసారిగా షాకై కాలేజీ యజమాన్యాన్ని నిలదీసి అడిగారు. 17వ తేదీన బైటికి వెళ్లిన కార్తీక్ తిరిగి రాలేదు అన్న విషయాన్ని తమకు చెప్పాల్సిన బాధ్యత లేదా అంటూ కాలేజీ యజమాన్యాన్ని కార్తీక్ తల్లిదండ్రులు నిలదీశారు. ఇందుకు కాలేజీ యజమాన్యం నిర్లక్ష్యంగా సమాధానం చెప్పడంతో ఆందోళన చెందిన కార్తీక్ తల్లిదండ్రులు వెంటనే సంగారెడ్డి పోలీసులకు ఫిర్యాదు చేశారు.