తిరుపతి జిల్లాలో ఘోర రోడ్డు ప్రమాదం.. నలుగురి మృతి
ఈ ప్రమాదంలో నలుగురు మృతి చెందగా.. మరో నలుగురికి తీవ్రగాయాలయ్యాయి. మృతులంతా మహారాష్ట్రకు చెందిన..
tirupati road accident
తిరుపతి జిల్లాలో బుధవారం మధ్యాహ్నం జరిగిన ఘోర రోడ్డుప్రమాదంలో నలుగురు మృతి చెందారు. చంద్రగిరి మండలం కల్రొడ్డుపల్లి వద్ద కల్వర్టును కారు ఢీ కొట్టింది. ఈ ప్రమాదంలో నలుగురు మృతి చెందగా.. మరో నలుగురికి తీవ్రగాయాలయ్యాయి. మృతులంతా మహారాష్ట్రకు చెందిన భక్తులుగా గుర్తించారు. తిరుమలలో శ్రీవారి దర్శనం చేసుకుని.. కాణిపాకం వినాయకుడి దర్శనార్థం వెళ్తుండగా.. ఈ ప్రమాదం జరిగినట్లు తెలుస్తోంది.
ప్రమాద సమయంలో వ్యాన్ లో 9 మంది భక్తులున్నట్లు సమాచారం. స్థానికుల సమాచారంతో ఘటనా ప్రాంతానికి చేరుకున్న పోలీసులు.. సహాయక చర్యలు చేపట్టారు. క్షతగాత్రులను రుయా ఆస్పత్రికి తరలించి ప్రథమ చికిత్స అందిస్తున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది.