బీర్ తాగుతూ విద్యార్థులకు పాఠాలు చెప్పిన మాస్టార్
టీచర్ ను నిలదీసేందుకు స్కూల్ కి వెళ్లారు. క్లాస్ రూమ్ లో ఉన్న స్టూల్ కింద ఖాళీ చేసిన ఒక బీరు క్యాన్ కనిపించింది.
Teacher Drinking Beer In Classroom
ఉత్తరప్రదేశ్ స్కూల్ లో దారుణ ఘటన వెలుగుచూసింది. విద్యార్థులకు మంచి పాఠాలతో.. మంచి బుద్ధులను నేర్పించాల్సిన ఉపాధ్యాయుడే బీరు తాగుతూ విద్యార్థులకు పాఠాలు చెప్పాడు. ఈ ఘటన హత్రాస్ లోని ప్రభుత్వ పాఠశాలలో వెలుగుచూసింది. ఉపాధ్యాయుడు తన వెంట బీర్ క్యాన్లను క్లాస్ రూమ్ కి తెచ్చుకున్నాడు. బీర్ తాగుతూనే విద్యార్థులకు పాఠాలు చెప్పాడు. అతని పక్కనే మరో కుర్చీలో ఉన్న మహిళా టీచర్ కూడా పాఠాలు చెబుతోంది.
ఈ విషయం స్థానికులకు తెలియడంతో.. టీచర్ ను నిలదీసేందుకు స్కూల్ కి వెళ్లారు. క్లాస్ రూమ్ లో ఉన్న స్టూల్ కింద ఖాళీ చేసిన ఒక బీరు క్యాన్ కనిపించింది. ఆ ఉపాధ్యాయుడి వద్ద ఓపెన్‌ చేయని మరో బీర్ క్యాన్ కూడా ఉంది. దానిని తన వెనుక దాచేందుకు అతడు ప్రయత్నించాడు. దీంతో క్లాసులో విద్యార్థుల ముందు బీరు తాగుతున్న టీచర్‌ను స్థానికులు నిలదీశారు. హత్రాస్ జిల్లా విద్యాశాఖ దృష్టికిి ఈ విషయం వెళ్లగా.. ఆ ఉపాధ్యాయుడిని సస్పెండ్ చేసినట్లు అధికారులు తెలిపారు.
ఢిల్లీ మహిళా కమిషన్ చైర్‌పర్సన్‌ స్వాతి మలివాల్ ఈ వీడియోను ట్విట్టర్‌లో షేర్ చేయగా..అది కాస్తా వైరల్ అవుతోంది. విపరీతంగా తాగిన ఆ టీచర్ అమ్మాయిలకు పాఠాలు చెబుతున్నారని ఆమె విమర్శించారు. విద్యార్థుల భవిష్యత్తును తీర్చిదిద్దే వారు ఇలా ప్రవర్తిస్తే పిల్లల భవిష్యత్తు బాగుంటుందా? అని ప్రశ్నించారు. ఆ ఉపాధ్యాయుడిపై చట్ట పరమైన చర్యలు తీసుకోవాలని యూపీ పోలీసులను కోరారామె.