తన భార్య తన తల్లిదండ్రుల ఇంటి నుండి అత్తారింటికి రావడానికి నిరాకరించడంతో కలత చెంది, 30 ఏళ్ల వ్యక్తి నిద్రిస్తున్న భార్య, ఆమె కుటుంబ సభ్యులైన నలుగురిని సజీవ దహనం చేసాడని మంగళవారం పోలీసులు తెలిపారు. పరమజీత్ కౌర్, ఆమె ఇద్దరు మైనర్ పిల్లలు పంజాబ్‌లోని జలంధర్ జిల్లాలో ఐదు-ఆరు నెలలుగా తన తల్లిదండ్రుల ఇంట్లో నివసిస్తున్నారని పోలీసులు తెలిపారు. లుథియానాలోని ఖుర్షెడ్‌పూర్ గ్రామంలోని తన ఇంటికి తిరిగి రావాలని భర్త కుల్దీప్ సింగ్ కోరుకున్నాడు.. అయితే కుల్దీప్ తనను, పిల్లలను కొట్టేవాడని ఆరోపిస్తూ ఆమె తిరిగి వెళ్లడానికి నిరాకరించిందని పోలీసులు తెలిపారు. సోమవారం అర్థరాత్రి, కుల్దీప్.. నిద్రిస్తున్న ఐదుగురు బాధితులపై పెట్రోల్ పోసి నిప్పంటించారని జలంధర్ (రూరల్) పోలీసు సూపరింటెండెంట్ సత్బ్జిత్ సింగ్ ఫోన్‌లో తెలిపారు. మృతులను పరమ్‌జిత్ కౌర్, ఆమె తండ్రి సుర్జన్ సింగ్, తల్లి జోగిందర్, ఆమె ఇద్దరు పిల్లలు అర్ష్‌దీప్ (8), అన్మోల్ (5)గా గుర్తించారు. నిందితుడి కోసం గాలింపు చర్యలు కొనసాగుతున్నాయని, హత్య కేసు నమోదు చేసినట్లు పోలీసులు తెలిపారు.