Bengaluru : బెంగళూరు హత్య కేసులో ట్విస్ట్.. ఆమె కోసం భార్యను చంపేశాడు

అనారోగ్యానికి గురైన కృతికారెడ్డికి ఇంట్లోనే చికిత్స మహేంద్రారెడ్డి అందించాడు. మత్తుమందును అధిక మోతాదులో ఇంజెక్ట్ చేశాడు. దీంతో కృతికా రెడ్డి మరణించింది. కృతిక చనిపోయిందని నిర్ధారించుకున్న డాక్టర్ మహేంద్రారెడ్డి తన ప్రియురాలికి మెసేజ్ చేశాడు. ‘నీ కోసం నా భార్యను చంపేశాను’ అంటూ ఓ డిజిటల్ పేమెంట్ యాప్ లో మెసేజ్ చేశాడు. వాట్సాప్, మెసేజ్ ద్వారా సందేశం పంపిస్తే పోలీసులకు దొరికిపోతానని అతితెలివిగా డిజిటల్ పేమెంట్ యాప్ లో మెసేజ్ చేశాడు. తాజాగా పోలీసులు ఈ విషయాన్ని బయటపెట్టారు. దీనిపై మహేంద్రా రెడ్డి ప్రియురాలిని ప్రశ్నించి, ఆమె స్టేట్ మెంట్ రికార్డు చేసినట్లు తెలిపారు. అయితే, ఆమె ఎవరనే విషయాన్ని పోలీసులు వెల్లడించలేదు. పోలీసులు ఇప్పటికే మహేంద్రారెడ్డిని అరెస్ట్ చేసి రిమాండ్ కు తరలించారు.