ఆర్జీవీపై మంగళగిరి పీఎస్ లో ఫిర్యాదు

వివాదాస్పద వ్యాఖ్యలు చేస్తూ.. వివాదాలకు కేరాఫ్ అడ్రస్ గా నిలిచే ప్రముఖ దర్శకుడు రామ్ గోపాల్ వర్మపై గుంటూరు జిల్లా మంగళగిరి పోలీస్ స్టేషన్లో కృష్ణాయపాలెం గ్రామస్తులు ఫిర్యాదు చేశారు. సోషల్ మీడియాలో ఆర్జీవీ రెచ్చగొట్టే ప్రసంగాలు చేస్తున్నారని పేర్కొంటూ.. ఒక లేఖ ద్వారా మంగళగిరి పోలీసులకు ఫిర్యాదు చేశారు. గ్రామస్తుల ఫిర్యాదు మేరకు పోలీసులు కేసు నమోదు చేశారు. ఆర్జీవీపై కృష్ణాయపాలెం గ్రామస్తులు ఫిర్యాదు చేయడం సంచలనం రేపుతోంది. కృష్ణాయపాలెం గ్రామస్తులు పంపిన ఆ లేఖలో ఏం రాశారో తెలియాల్సి ఉంది. ఇక తనపై ఎవరు ఎలాంటి వ్యాఖ్యలు చేసినా అదే రీతిలో స్పందించే ఆర్జీవీ.. ఈ వ్యవహారంపై ఎలా స్పందిస్తారో చూడాలి.