గాంధీ భవన్ లో టీడీపీ జెండాలపై.. వైసీపీ నేతల సెటైర్లు

తెలంగాణ అసెంబ్లీ ఎన్నికల్లో టీడీపీ పోటీ చేయలేదు. ఈ ఎన్నికల్లో టీడీపీ శ్రేణులు కాంగ్రెస్ కు అనుకూలంగా చాలా నియోజకవర్గాల్లో పనిచేశాయి. కాంగ్రెస్ అభ్యర్థుల గెలుపు కోసం పనిచేశారు. గాంధీ భవన్ లో టీడీపీ శ్రేణులు పసుపు జెండాలు పట్టుకొని డ్యాన్స్ చేశారు. అందుకు సంబంధించిన వీడియోలు, ఫోటోలు సోషల్ మీడియాలో వైరల్ అయ్యాయి. దీంతో వైసీపీ నేతలు సెటైర్లు వేస్తున్నారు. టీడీపీ కార్యకర్తలు, నేతలు ఊళ్లో పెళ్ళికి కుక్కల హడావుడి అన్నట్లుగా తీరు ఉందని వైసీపీ నేతలు విమర్శలు గుప్పించారు.