Ys Sunitha : అన్నా బ్యాండేజీ తీయండి.. గాలి తగిలితే దెబ్బ మానుతుంది

జగన్ ఇప్పటికైనా బ్యాండేజ్ తీసేయడం మంచిదని వైఎస్ వివేకానందరెడ్డి కుమార్తె వైఎస్ సునీత సూచించారు. సునీత మీడియా సమావేశంలో మాట్లాడారు. గాలి తగిలితే దెబ్బ త్వరగా మానిపోయే అవకాశం ఉందని, ⁠ఓ వైద్యురాలిగా జగన్‍రెడ్డికి సలహా ఇస్తున్నానని చెప్పారు. ⁠జగన్ కోసం వివేకా పదవిని త్యాగం చేశారని, ⁠ఇన్నీ చేశాక కూడా మీకు ఎందుకింత ద్వేషం? అని ప్రశ్నించారు. వివేకాను చంపేంత ద్వేషం ఎందుకొచ్చింది? అని అన్న సునీతా ⁠వివేకా మీకు ఏం పాపం చేశారని ప్రశ్నించారు. జగన్ ప్రసంగంలో వివేకా హత్య గురించి ప్రస్తావించారని, ఆయన గురుంచి జగన్ నెగెటివ్‍గా మాట్లాడారన్నారు. ⁠వివేకా గురించి మాట్లాడటానికి ఒక్క మంచి మాట కూడా గుర్తుకు రాలేదా?అని నిలదీశారు. ⁠కోర్టులు, పోలీసులు, సీబీఐ అంటే జగన్‍కు గౌరవం ఉందా? అని అన్నారు. ⁠నిందితులు ఎవరో సీబీఐ చెప్పిందని, కానీ సీబీఐపై నమ్మకం లేదని జగన్ అంటున్నారన్నారు.