భరత్ ను ఎమ్మెల్యేగా గెలిపించండి... జనవరి నుంచే పింఛన్లు పెంపు

ఈ జనవరి నుంచి పింఛను 2,750 రూపాయలు ఇస్తామని జగన్ తెలిపారు. ఎన్నికల మ్యానిఫేస్టో చెప్పినట్లు తాను నిలుపుకుంటున్నానని జగన్ అన్నారు. కుప్పం నియోజకవర్గంలో జరిగిన బహిరంగ సభలో ఆయన ప్రకటించారు. భరత్ ను వచ్చే ఎన్నికల్లో గెలిపించాలని, మంత్రిగా పంపిస్తానని జగన్ ప్రజలను కోరారు. ఎమ్మెల్సీ ద్వారానే భరత్ తన చేత అనేక పనులను కుప్పం నియోజకవర్గానికి చేయించుకున్నారని తెలిపారు. వైఎస్సార్ చేయూత కార్యక్రమం ద్వారా రాష్ట్రంలోని అందరి అక్క చెల్లెమ్మను ఆదుకుంటున్నామని తెలిపారు. 18,7500 రూపాయలు ఈ మూడో విడత అందిస్తున్నామని తెలిపారు. 45 నుంచి 60 సంవత్సరాల వయసులోపు ఉన్న మహిళలకు ఈ పథకం వర్తిస్తుందని అన్నారు. కుటుంబాన్ని బాధ్యతతో మోయగలవారికి డబ్బులు ఇస్తున్నామని తెలిపారు. కుప్పం అంటేనే ఎస్సీ, ఎస్టీ, బీసీ, మైనారిల అభివృద్ధి అని అన్నారు. 39 నెలల కాలంలో ఇప్పటి వరకూ చేయూత ద్వారా 14,110 కోట్ల రూపాయలను అక్కచెల్లెమ్మలకు అందించామని తెలిపారు.