Ys Jagan : అంతా అమరావతి మయమేనా? 143 హామీలకు దిక్కూదివానం లేదా?

అమరావతి నిర్మాణంలో కూడా అనేక అవకతవకలు జరుగుతున్నాయని చెప్పారు. మళ్లీ సచివాలయం, మళ్లీ హైకోర్టు, మళ్లీ అసెంబ్లీ కడతారట అంటూ వైఎస్ జగన్ ఎద్దేవా చేశారు. ప్రస్తుతం హెచ్ఓడీలు, సిబ్బంది ఆరులక్షల చదరపు అడుగుల విస్తీర్ణంలో పనిచేస్తున్నారని, కానీ యాభై మూడు లక్షల చదరపు అడుగల విస్తీర్ణంలో నిర్మించాలని చంద్రబాబు ప్లాన్ చేయడం వెనక కూడా కమీషన్లు దాగి ఉన్నాయని చెప్పరు. ప్రస్తుతం సేకరించిన భూములు చాలక మరో నలభై వేల ఎకరాల భూములు కావాలట అంటూ సెటైర్ వేశారు జగన్. మొబలైజేషన్ అడ్వాన్స్ మళ్లీ తీసుకు వచ్చి దోపిడీకి తెరతీశారని జగన్ విమర్శలు కు దిగారు. అడ్వాన్స్ ల కింద పది శాతం ఇచ్చి ఎనిమిది శాతం వెనక్కు తీసుకుంటున్నారని అన్నారు.

చదరపు అడగుకు 8,931 తో నిర్మిస్తున్నారంటే నవ్వు వస్తుందని అన్నారు. అమరావతిలో పనులు నిరంరతం కొనసాగాలని చంద్రబాబు కోరుకుంటారని, అప్పుడే కమీషన్లు దండుకోవడానికి వీలవుతుందని జగన్ అభిప్రాయపడ్డారు. గతంలో ఆరు వందల కోట్ల వ్యయంతో నిర్మించిన భవనాలు నిరుపయోగమేనా? అని ప్రశ్నించారు. సూపర్ సిక్స్ హామీలను గాలికి వదిలి పెట్టి, తాము అమలు చేసిన ప్రభుత్వ పథకాలను రద్దు చేసి అంతా అమరావతి అంటూ అందిన కాడికి దోచుకునే ప్రయత్నం చేస్తున్నారన్నారు. రైతులు పండించిన పంటలకు సరైన గిట్టుబాటు ధర కూడా లభించడం లేదని తెలిపారు. ఫీజు రీఎంబర్స్ మెంట్ లేదని, వసతి దీవెన కూడా లేదన్నారు. ఆరోగ్య శ్రీని కూడా ఎత్తివేశారన్నారు. చంద్రబాబు చెప్పిన 143 హామీలకు దిక్కూదివానం లేదని జగన మండి పడ్డారు. మద్యాన్ని డోర్ డెలివరీ చేస్తున్నారన్నారు. వైసీపీ హయాంలో లిక్కర్ స్కాం జరగడానికి ఆస్కారమే లేదన్నారు.