రైలులో ఒంటరి మహిళపై అఘాయిత్యం.. గుంటూరు జిల్లాలో ఘటన

ఆ వ్యక్తిని వెళ్లిపోవాలని ఆమె హెచ్చరించినా పట్టించుకోలేదని మహిళ ఫిర్యాదులో పేర్కొంది. రైలు మళ్లీ ప్రయాణం మొదలైన తర్వాత అతడు కత్తితో బెదిరించి మహిళపై అత్యాచారం చేశాడని, అనంతరం ఆమె వద్ద ఉన్న రూ.5,600 నగదు, మొబైల్‌ ఫోన్‌ లాక్కొని పెద్దకూరపాడు దగ్గర కదిలే రైలునుంచి దూకి పారిపోయాడని పోలీసులు తెలిపారు. చర్లపల్లి చేరుకున్న బాధితురాలు సికింద్రాబాద్‌ రైల్వే పోలీసులకు ఫిర్యాదు చేసింది. అదనంగా, సికింద్రాబాద్‌ జీఆర్పీ పోలీసులు జీరో ఎఫ్‌ఐఆర్‌ నమోదు చేసి, పరిధి కారణంగా కేసును ఆంధ్రప్రదేశ్‌లోని నడికుడి పోలీసులకు బదిలీ చేశారు. బాధితురాలి వర్ణన ఆధారంగా నిందితుడి కోసం గాలింపు కొనసాగుతున్నట్లు అధికారులు తెలిపారు.