Pothina Mahesh : పోతిన మహేష్ ఆశలు నెరవేరవా? అంతా వృథా ప్రయాసేనా?

వైసీపీలో టిక్కెట్ వస్తుందన్న గ్యారంటీ ఏమీ లభించకుండానే పార్టీలో చేరిపోయారు. పోతిన మహేష్ కు ఎమ్మెల్యే కావాలన్నది బలమైన కోరిక. తనకున్న మాజికవర్గం బలం కూడా తనకు చేదోడు వాదోడుగా ఉంటుందని ఆయన భావిస్తారు. కానీ పశ్చిమ నియోజకవర్గంలో ఇప్పటి వరకూ టీడీపీ గెలవకపోవడంతో దానిపై ఆశలు పెట్టుకుని వైసీపీలోకి జంప్ అయినా ఆయనకు టిక్కెట్ లభించలేదు. షేక్ ఆసిఫ్ కు వైసీపీ అధినేత టిక్కెట్ ఇచ్చారు. 2019 లో విజయవాడ పశ్చిమ నియోజకవర్గం నుంచి విజయం సాధించిన వెల్లంపల్లి శ్రీనివాస్ ను విజయవాడ సెంట్రల్ నియోజకవర్గానికి పంపారు. అయితే మొన్నటి ఎన్నికల్లో కృష్ణా జిల్లాల్లో కూటమి క్లీన్ స్వీప్ చేసేసింది.

ఇక 2024 ఎన్నికల్లో పశ్చిమ నియోజకవర్గం నుంచి పోటీ చేయడానికి తిరిగి వెల్లంపల్లి శ్రీనివాస్ రెడీ అవుతున్నారు. తనకు సెంట్రల్ నియోజకవర్గం కంటే తన సొంత నియోజకవర్గమైన పశ్చిమకే వెళతానని పట్టుబడుతున్నారు. మరొకవైపు సెంట్రల్ నియోజకవర్గంలో మల్లాది విష్ణు పోటీ చేయడానికి కూడా సిద్ధమవుతున్నారు. ఇక గత ఎన్నికల్లో పోటీ చేసి ఓటమి పాలయిన షేక్ ఆసిఫ్ తనకు మరోసారి అవకాశం ఇవ్వాలని కోరతారు. ఇలా ఒక నియోజకవర్గానికి ముగ్గురు పోటీ పడుతుండటంతో ఎవరికి దక్కుతుందన్నది ఆసక్తికరంగా మారింది. ఈ నేపథ్యంలో పోతిన మహేష్ కు వచ్చే ఎన్నికల్లో కూడా వైసీపీ టిక్కెట్ కేటాయించే అవకాశాలు మాత్రం కనిపించడం లేదు. మరి పోతిన పార్టీని వీడి ఏం సాధించినట్లు అన్న కామెంట్స్ వినపడుతున్నాయి.