Drugs : విశాఖ డ్రగ్స్ డీల్‌లో కీలక అంశాలివే...యాభై వేల కోట్ల విలువైన

విశాఖలో దొరికిన డ్రగ్స్ కేసులో సీబీఐ స్పీడ్ పెంచింది. విశాఖ పోర్టులో పట్టుబడ్డ ఇరవై ఐదు కేజీల డ్రగ్స్ విలువ యాభై వేల కోట్ల విలువ ఉంటుందని చెబుతున్నారు. దీంతో సీబీఐ అధికారులు ఈ డ్రగ్స్ ను బ్రెజిల్ నుంచి తెప్పించిన సంధ్యా కంపెనీ లో సోదాలు నిర్వహిస్తున్నారు. ఈ కంటైనర్ సంధ్యా ఆక్వా కంపెనీ పేరు ఉండటంతో ఆ కంపెనీలో సోదాలు నిర్వహిస్తున్నారు. కంపెనీ యజమానులతో పాటు, ఉద్యోగులను కూడా సీబీఐ అధికారులు ప్రశ్నిస్తున్నారు. సంధ్యా ఆక్వా కంపెనీ చుట్టు ఉచ్చు బిగుసుకునే అవకాశాలున్నాయి. అయితే తాము రొయ్యల మేతలో వినియోగించే డ్రై ఈస్ట్ కు ఆర్డర్ ఇచ్చామని, ఇందులో డ్రగ్స్ ఎలా వచ్చాయో తెలియదని కంపెనీ యజమానులు చెబుతున్నారు. తాము సీబీఐ విచారణకు సహకిస్తామని చెబుతున్నారు.