Tirumala : శనివారం.. ఇంతరద్దీ ఉంటుందని ఊహించలేదే

ఈరోజు వైకుంఠం క్యూ కాంప్లెక్స్ లోని అన్ని కంపార్ట్‌మెంట్లన్నీ భక్తులతో నిండిపోయాయి. క్యూ లైన్ శిలాతోరణం వరకూ విస్తరించి ఉందని తిరుమల తిరుపతి దేవస్థానం అధికారులు వెల్లడించారు. సర్వదర్శనం క్యూ లైన్ లో భక్తులకు టోకెన్లు లేకుండా ప్రవేశించే వారికి శ్రీవారి దర్శనం 24 గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 67,140 మంది భక్తులు దర్శించుకున్నారు. 20,870 మంది తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాంయ 4.01 కోట్ల రూపాయలు వచ్చిందని అధికారులు వెల్లడించారు.