ముగ్గురు సీఎంలు చదివిన కాలేజ్

గుంటూరు నగరంలోని ఆంధ్ర క్రైస్తవ కళాశాలలో చదువుకున్న ఎంతో మంది వివిధ రంగాల్లో రాణించారు.. రాణిస్తూ ఉన్నారు. 1885 లో మద్రాసు విశ్వవిద్యాలయం, ఆ తర్వాత ఆంధ్ర, 1976 నుంచి ఆచార్య నాగార్జున వర్సిటీకి అనుబంధంగా కొనసాగుతోంది. మాజీ ముఖ్యమంత్రులు ఎన్టీఆర్, కాసు బ్రహ్మానందరెడ్డి, భవనం వెంకటరామిరెడ్డి ఈ కళాశాలలోనే చదువుకున్నారు. సినీ దర్శకుడు కె. విశ్వ నాథ్, నటులు శోభన్ బాబు, జగ్గయ్య, గుమ్మడి, సాహితీవేత్తలు, కవులు కరు ణశ్రీ, జంధ్యాల పాపయ్యశాస్త్రి, గుర్రం జాషువా ఇక్కడ చదువుకున్న వారే. జ్ఞానపీఠ్ అవార్డు గ్రహీత విశ్వనాథ సత్యనారాయణ ఈ కళాశాలలో అధ్యాపకుడిగా విధులు నిర్వహించారు. 2025-26 విద్యాసంవత్సరంతో కళాశాల 140 ఏళ్లు పూర్తి చేసుకోనుంది. ప్రైవేటు, కార్పొ రేట్ కళాశాలల హవా కొనసాగుతున్న ప్రస్తుత రోజుల్లోనూ 2 వేల మంది విద్యార్థులు చదువుకుంటూ ఉన్నారు.