Chandrababu : నేడు తుఫాను ప్రభావిత ప్రాంతాలకు చంద్రబాబు

దీంతో ఆయన ఈరోజు ప్రకాశం, గుంటూరు జిల్లాల్లో పర్యటించనున్నారు. తుఫాను బాధితులను ప్రభుత్వం ఆదుకునే తీరును కూడా ఎండగట్టనున్నారు. ఈరోజు తొలుత గుంటూరు జిల్లాలోని నందివెలుగు, కూచిపూడి లాకులు, అమృతలూరు, ఉత్తర పాలెం మీదుగా కర్రపాలెం మండలం పాత సందాయ పాలెంలో ఆయన పర్యటిస్తారు. అనంతరం రేపు పర్చూరు, పత్తిపాడు నియోజకవర్గాల్లో చంద్రబాబు పర్యటించనున్నారని పార్టీ వర్గాలు వెల్లడించాయి. రైతులతో మాట్లాడి వారికి తానున్నానన్న భరోసాను చంద్రబాబు ఇవ్వనున్నారు. చాలా రోజుల తర్వాత జిల్లాల పర్యటనకు చంద్రబాబు వస్తుండటంతో టీడీపీ నేతలు పెద్దయెత్తున ఏర్పాట్లు చేస్తున్నారు.