నేడు గుడివాడలో చంద్రబాబు

గుడివాడ టీడీపీకి కొరకరాని కొయ్యగా మారడంతో అనేకసార్లు అభ్యర్థులను మార్చినా ప్రయోజనం లేకపోవడంతో ఈసారి కూడా మరొక కొత్త అభ్యర్థిని రంగంలోకి దించాలన్న ప్రయత్నంలో ఉన్నారు. గుడివాడ టీడీపీలో గ్రూపుల గోల లేకుండా చంద్రబాబు ఈరోజు సర్దుబాటు చేసే అవకాశముంది. ఉన్న రెండు మూడు గ్రూపులతో ప్రత్యేకంగా సమావేశమై కొంత క్లారిటీ ఇచ్చే అవకాశముందని తెలిసింది. అయితే గుడివాడలో కొడాలి నాని అనుచరులు ఆందోళనకు దిగే అవకాశముందని తెలియడంతో పోలీసులు భారీ బందోబస్తు ఏర్పాటు చేశారు.