రేపు చంద్రబాబు పాదయాత్ర

తెలుగుదేశం పార్టీ అధినేత చంద్రబాబు రేపు పాదయాత్ర చేయనున్నారు. ఇరగవరం నుంచి తణుకు వరకూ పన్నెండు కిలోమీటర్ల పాదయాత్ర చేయనున్నారు. అకాల వర్షాలకు నష్టపోయిన రైతులకు అండగా నిలబడేందుకు చంద్రబాబు పశ్చిమ గోదావరి జిల్లా తణుకులో ఆయన పర్యటించనున్నారు. ఈ సందర్భంగా పెద్ద సంఖ్యలో రైతులను కలిసేందుకు చంద్రబాబు సిద్ధమవుతున్నారు. ప్రభుత్వం తడిసిన ధాన్యం కొనుగోలు చేయకపోవడంతో దానిపై ప్రభుత్వాన్ని నిలదీయడానికి చంద్రబాబు పాదయాత్రను ఎంచుకున్నారు.