ఒక్కసారిగా పడిపోయిన టమాటా ధర

నిన్నటి వరకూ మదనపల్లి మార్కెట్ కు టమాటా అతి తక్కువ లోడ్లు వచ్చేవి. అయితే వర్సాలు కురియడంతో టమాటా పంట బాగా పండింది. దీంతో మార్కెట్ కు రైతులు క్యూ కడుతున్నారు. టన్నుల కొద్దీ టమాటా మార్కెట్ కు రావడంతో దాని ధర అమాంతం పడిపోయింది. ప్రస్తుతం మార్కెట్ లో ఇరవై రూపాయలు పలుకుతుంది. తమిళనాడు, కర్ణాటక రాష్ట్రాల నుంచి కూడా టమాటా మదనపల్లి మార్కెట్ కు తీసుకువస్తున్నారు. టమాటా లోడ్ల లారీలతో మార్కెట్ వద్ద ట్రాఫిక్ సమస్యలు కూడా ఏర్పడుతున్నాయి.