Andhra Pradesh : హైకోర్టులో లిక్కర్ స్కామ్ నిందితులకు స్వల్ప ఊరట

ఆంధ్రప్రదేశ్ లిక్కర్ స్కామ్ కేసులో నిందితులు ధనుంజయ్ రెడ్డి, కృష్ణమోహన్ రెడ్డి, బాలాజీ గోవిందప్పలకు ఏసీబీ కోర్టు బెయిల్ ఇచ్చిన సంగతి తెలిసిందే. దీనిపై విచారించిన హైకోర్టు ఏసీబీ న్యాయస్థానం ఆదేశాలను నిలుపుదల చేయలేమని, నిందితులు బెయిల్ పై విడుదలయినందున వారికి నోటీసులు ఇవ్వాలని పేర్కొంది. అయితే మిగిలిన నిందితులకు బెయిల్ ఇవ్వవద్దంటూ కింది కోర్టుకు ఆదేశాలు ఇవ్వాలని ప్రభుత్వం తరుపున న్యాయవాది వాదించారు. అయితే దీనిపై విచారణను వచ్చే గురువారానికి వాయిదా వేస్తూ హైకోర్టు నిర్ణయం తీసుకుంది.