Andhra Pradesh : ఏపీని వదలని స్క్రబ్ టైఫస్ వ్యాధి.. రెండు వేల మందికి పాజిటివ్

అయితే ఆంధ్రప్రదేశ్ లోని చిత్తూరు జిల్లాలోనే ఈ కేసులు ఎక్కువగా ఉన్నాయని ఏపీ వైద్య ఆరోగ్య శాఖ అధికారులు తెలిపారు. చిత్తూరు జిల్లాలో 2023లో 548 పాజిటివ్ కేసులు నమోదయ్యాయి. 2024లో 514 కేసులకు చేరింది. ఈ ఏడాది ఇప్పటి వరకూ ఐదు వందల వరకూ చేరింది. అయితే పేడ పరుగు కారణంగానే ఈ వ్యాధి సోకుతుందని, గడ్డి వాముల్లోనూ, పొలాల్లోనూ, పశువులకు మేత వేసే సమయంలో కాళ్లకు షూలు, చేతులకు గ్లౌస్ లు ధరించుకోవాలని పలువురు సూచిస్తున్నారు. పేడ పురుగు కుట్టినట్లు కూడా తెలియకపోవడంతో దానిని చీమ కుట్టినట్లుగానే భావించి చాలా మంది లైట్ గా తీసుకుంటుున్నారు.

స్క్రబ్ టైఫస్ వ్యాధి తొలి లక్షణం జ్వరం రావడం. జ్వరం వచ్చిన వెంటనే స్క్రబ్ టైఫస్ వ్యాధికి సంబంధించిన పరీక్షలు చేయించుకోవడం మంచిది. ఇంటి చుట్టుపక్కల పరిశుభ్రమైన వాతావరణం ఉంచుకోవాల్సి ఉంటుంది. ఏ మాత్రం నిర్లక్ష్యం చేసినా ప్రాణాల మీదకు వస్తుంది. జ్వరం, ఒళ్లు నొప్పులు అనిపించిన వెంటనే అశ్రద్ధ చేయకుండా వెంటనే దగ్గరలోని ఆసుపత్రికి వెళ్లి స్క్రబ్ టైఫస్ వ్యాధికి సంబంధించిన పరీక్షలు చేయించుకోవాలని వైద్యులు సూచిస్తున్నారు. తొలి దశలో పసిగడితే మందులతో వ్యాధి నివారణ సాధ్యమవుతుంది. అదే వ్యాధి ముదిరితే ప్రాణాలకు ప్రమాదం అని వైద్యులు చెబుతున్నారు. సో.. జ్వరం వచ్చిన వెంటనే ఆసుపత్రికి వెళ్లి పరీక్షలు చేయించుకోవడం మంచిది.