Jana Sena : పవన్ వ్యూహం ఈసారి వర్క్ అవుట్ అవుతుందా?

కానీ జనసేన నేతల్లో మాత్రం భిన్నఅభిప్రాయాలు వ్యక్తమవుతున్నాయి. జనసేన తిరుపతి నియోజకవర్గం నేత కిరణ్ రాయల్ కీలక వ్యాఖ్యలు చేశారు. వచ్చే ఆంధ్రప్రదేశ్ అసెంబ్లీ ఎన్నికల్లో జనసేన పార్టీ కచ్చితంగా 70కిపైగా స్థానాల్లో పోటీ చేస్తుందని తెలిపారు. 2024 ఎన్నికలతో పోలిస్తే జనసేన పార్టీ బలం పెరిగిందన్న కిరణ్ రాయల్.. 21 సీట్లే ఇస్తామంటే అంగీకరించే ప్రసక్తే లేదని స్పష్టం చేశారు. జనసేన అధినేత పవన్ కళ్యాణ్ లేకుంటే ఏపీలో కూటమి అధికారంలోకి వచ్చేది కాదన్న కిరణ్ రాయల్.. జనసేన లేకుంటే టీడీపీ ఎలక్షన్ కూడా చేయలేకపోయేదని కీలక వ్యాఖ్యలు చేశారు. ఈ విషయంలో తాను టీడీపీ నేతలకు ఛాలెంజ్ చేస్తున్నానని కూడా అన్నారు. చంద్రబాబు రాజమండ్రి జైలులో ఉన్న సమయంలో టీడీపీ శ్రేణులు అయోమయ పరిస్థితులలో ఉన్న సమయంలో కూటమి కట్టి.. అండగా నిలబడిన వ్యక్తి పవన్ కళ్యాణ్ అని కిరణ్ రాయల్ చెప్పుకొచ్చారు.

2024 ఏపీ అసెంబ్లీ ఎన్నికల్లో టీడీపీ, జనసేన, బీజేపీ పార్టీలు కూటమిగా కలిసి పోటీ చేశాయి. ఆ ఎన్నికల్లో జనసేన పార్టీ 21 అసెంబ్లీ, రెండు లోక్‌సభ స్థానాల్లో పోటీచేసింది. పోటీ చేసిన అన్ని స్థానాల్లో విజయం సాధించిన జనసేన.. వందశాతం స్ట్రైయిక్ రేట్ నమోదు చేసింది. అనంతరం ప్రభుత్వంలో చేరిన జనసేన పార్టీకి మూడు మంత్రి పదవులు వరించాయి. పవన్ కళ్యాణ్ డిప్యూటీ సీఎంగా బాధ్యతలు చేపట్టగా.. నాదెండ్ల మనోహర్ ఏపీ పౌరసరఫరాల శాఖ మంత్రిగా, కందుల దుర్గేష్ ఏపీ పర్యాటక, సినిమాటోగ్రఫీ శాఖ మంత్రిగా వ్యవహరిస్తున్నారు. అయితే గత ఎన్నికలతో పోలిస్తే జనసేన పార్టీ బలం పెరిగిందని కిరణ్ రాయల్ వంటి వారు అంటన్నా పవన్ కల్యాణ్ మాటలు విన్నవారికి మాత్రం సీట్ల సంఖ్య ముఖ్యంకాదని, తీసుకునే సీట్లలో అన్నీ గెలిచి అధికారంలోకి రావడమే ప్రధానమని ఆయన విశ్వసిస్తున్నారు. సో.. కిరణ్ రాయల్ వంటి నేతల కామెంట్స్ నుపెద్దగా పట్టించుకోవాల్సిన పనిలేదు. నిర్ణయం ఫైనల్ గా పవన్ దే కావడంతో ఆయన ఏనిర్ణయం తీసుకుంటే అదే అమలు జరిగి తీరుతుంది.