హరీశ్ రావు కామెంట్స్ కు సజ్జల కౌంటర్

హరీశ్ రావు తమ ప్రభుత్వంపై అలా ఎందుకు మాట్లాడారో అర్థం కావడం లేదని వైసీపీ ప్రధాన కార్యదర్శి సజ్జల రామకృష్ణారెడ్డి అన్నారు. వాళ్ల సమస్యలు వాళ్లు చూసుకోకుండా తమ ప్రభుత్వంపై కామెంట్లు ఎందుకు అని సజ్జల ప్రశ్నించారు. హరీశ్ రావుకు ఎందుకు ఆవేశం వచ్చిందో తనకు తెలియదన్నారు. టీఆర్ఎస్ పరంగా తమను ఏమీ అనలేదన్నారు. వ్యక్తిగతంగా హరీశ్ రావుకు ఏవైనా సమస్యలున్నాయో తనకు తెలియదన్నారు. ఇది రెండు రాష్ట్రాల మధ్య అంశం కాదన్నారు. ఒక గ్యాంగ్ ఏమంటుందో ఆ గ్యాంగ్ తో జతకట్టి హరీశ్ రావు మాట్లాడుతున్నట్లుందని సజ్జల అభిప్రాయపడ్డారు. ఆయన మీడియాతో మాట్లాడారు. ఉచిత విద్యుత్తు పై మాట్లాడే హక్కు ఎవరికీ లేదని సజ్జల అన్నారు. రెండు రాష్ట్రాల మధ్య సమస్యపై మాట్లాడితే బాగుంటుందని సూచించారు. వారి రాష్ట్రంలో సమస్యలపై దృష్టి పెడితే మంచిదని సజ్జల హితవు పలికారు. తమకు ఏపీ మాత్రమే ముఖ్యమని, ఇందులో ఎలాంటి కన్ఫ్యూజన్ లేదన్నారు.