Tirumala : ఈరోజు తిరుమలలో భారీగా పెరిగిన భక్తులు.. అన్ని కంపార్ట్ మెంట్లు నిండిపోయి

ఈరోజు పౌర్ణమి గరుడ వాహన సేవ తిరుమలలో జరగనుంది. రాత్రి ఏడు గంటలకు గరుడ వాహనంపై మలయప్ప స్వామి భక్తులకు మాడ వీధుల్లో దర్శనమి్వ్వనున్నారు. దీంతో ఈరోజు తిరుమల తిరుపతి దేవస్థానం అధికారులు కుమారధార తీర్థ ముక్కోటి కూడా ఉండటంతో మధ్యాహ్నం పన్నెండు గంటల వరకకే భక్తులను అనుమతించనున్నారు. తిరుమల నుంచి నేడు పాపవివనాశనం వరకూ ప్రయివేటువాహనాలను నిలిపేస్తూ టీటీడీ అధికారులు చర్యలు తీసుకున్నారు. పాపవినాశనం వద్ద ఉచితంగా అన్న ప్రసాదాలను తిరుమల తిరుపతి దేవస్థానం పంపిణీ చేయనుంది.

ఈరోజు తిరుమలలోని వైకుంఠం క్యూ కాంప్లెక్స్ లోని 31 కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లో వేచి ఉన్న భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు శ్రీవారి దర్శనం ఐదు గంటలకు పైగానే సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుంది. నిన్న తిరుమల శ్రీవారిని 51,148 మంది భక్తులు శ్రీవారిని దర్శించుకున్నారు. వీరిలో 21,236 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం3.56 కోట్ల రూపాయలు వచ్చిందని అధికారులు తెలిపారు.