రాజకీయాల్లో ఎదగాలంటే వాటిని పక్కన పెట్టాలి : పోసాని

పవన్ కల్యాణ్ .. చంద్రబాబు ప్రజలకు వేసిన ఒక ఎర అని పోసాని సంచలన వ్యాఖ్యలు చేశారు. చంద్రబాబుతోనే ఉంటే.. సీఎం కాదు కదా.. కనీసం ఎమ్మెల్యే కూడా అవ్వనివ్వడని విమర్శించారు. గత ఎన్నికల్లో పవన్ భీమవరం ఓడిపోవడానికి కారణం చంద్రబాబేనన్నారు. రాజకీయాల్లో ఎదగాలంటే.. ఒకరి కోసం పనిచేయడం మానేసి.. నీకోసం నువ్వు నడవాలని పవన్ కు సూచించారు. ప్రభుత్వంపై, మహిళా వాలంటీర్లపై ఇన్ని ఆరోపణలు చేసినా పవన్ ఇంకా మంచివాడేనని, ఇప్పటికైనా కళ్లు తెరిచి వాస్తవాన్ని గ్రహించాలన్నారు. పవన్ చేస్తున్న వ్యాఖ్యలకు చిరంజీవి అందరికీ సారీ చెబుతున్నారని పోసాని పేర్కొన్నారు. చిరంజీవి ఏనాడు పబ్లిక్ లో బూతులు మాట్లాడింది లేదన్నారు. ఓవైపు పవన్ పై విరుచుకు పడుతూనే.. జగన్ పై ఉన్న కక్ష, ద్వేషం, ప్రతీకారాలను పక్కనపెట్టి ఆలోచించాలని పవన్ కు రాజకీయ సూచనలు చేశారు పోసాని. బాబును వదిలేసి.. నీ భవిష్యత్, నీ ఆశయాలు, ఆలోచనల గురించి ప్రజలకు చెబుతూ.. ప్రజల్లో మమేకమైతే ఇప్పుడు కాకపోతే ఎప్పటికైనా సక్సెస్ అవుతావంటూ పవన్ కు ఆల్ ది బెస్ట్ చెప్పారు.