పాపికొండల విహార యాత్రకు బ్రేక్

గోదావరి నదిలో పాపికొండల విహార యాత్రకు బ్రేక్ పడింది. భారీ వర్షాలతో గోదావరి నది ఉప్పొంగి ప్రవహిస్తుండటంతో ప్రమాదకరమని భావించిన టూరిజం శాఖ పాపికొండల విహారయాత్రను నిలిపివేసింది. దేవిపట్నం నుంచి పాపికొండల విహారయాత్రను నిలిపివేయాలని అధికారులు ఆదేశించారు. ఎగువన కురుస్తున్న వర్షాలతో పాటు రాష్ట్రంలో కురుస్తున్న వర్షాల కారణంగా గోదావరిలో పడవ ప్రయాణం ప్రమాదకరమని భావించి అధికారులు ఈ నిర్ణయం తీసుకున్నారు.