ఎమ్మెల్సీ ఎన్నికల పోలింగ్ ప్రారంభం

రెండు తెలుగు రాష్ట్రాల్లో ఎమ్మెల్సీ ఎన్నికలు ప్రారంభమయ్యాయి. గ్రాడ్యుయేట్, ఉపాధ్యాయ, స్థానిక సంస్థల ఎమ్మెల్సీ ఎన్నికలు జరుగుతున్నాయి. ఇందుకోసం అన్ని ఏర్పాట్లు చేశారు. ఆంధ్రప్రదేశ్ లో మూడు గ్రాడ్యుయేట్, రెండు టీచర్ ఎమ్మెల్సీ స్థానాలకు పోలింగ్ జరుగుతుంది. ఈ ఐదు స్థానాల్లో విపక్షాలు గట్టిగా పోరాడుతున్నాయి. మూడు ప్రాంతాల్లో గ్రాడ్యుయేట్ ఎన్నికలు జరుగుతుండటంతో దాదాపు వందకు పైగా శాసనసభ నియోజకవర్గాల్లో ఎన్నికల సందడి నెలకొంది. ఉదయం 8 గంటలకు ప్రారంభమైన పోలింగ్ సాయంత్రం నాలుగు గంటల వరకూ జరగనుంది.