Rain Alert : హై అలెర్ట్... భారీ నుంచి అతి భారీ వర్షాలు.. ఎన్నిరోజులో తెలుసా?

ఈరోజు శ్రీకాకుళం, విజయనగరం, విశాఖపట్నం, అల్లూరి సీతారామరాజు, అనకాపల్లి, నెల్లూరు, అనంతపురం, చిత్తూరు వంటి జిల్లాలకు భారీ వర్షాలు పడతాయని తెలిపింది. అలాగే కడప, తిరుపతి, మన్యం జిల్లాల్లో మోస్తరు నుంచి తేలికపాటి జల్లులు పడే అవకాశముందని చెప్పింది. గంటకు నలభై నుంచి యాభై కిలోమీటర్ల వేగంతో ఈదురుగాలులు వీస్తాయని, కొన్ని చోట్ల ఉరుములు మెరుపులతో కూడిన వర్షం పడుతుందని వాతావరణ శాఖ తెలిపింది. కొన్ని చోట్ల పిడుగులు పడే అవకాశముందని కూడా హెచ్చరించింది. ప్రధానంగా ఈ పదిహేడు జిల్లాల్లో భారీ నుంచి అతి భారీ వర్షాలు పడే అవకాశముండటంతో లోతట్టు ప్రాంతాల ప్రజలు అప్రమత్తంగా ఉండాలని సూచించింది.

ఈరోజు తెలంగాణలోనూ భారీ వర్షాలు పడతే అవకాశముందని తెలిపింది. ఉత్తర తెలంగాణలోని జిల్లాల్లోనే భారీ వర్షాలు పడతాయని చెప్పింది. ముఖ్యంగా నిజామాబాద్, మెదక్, ఆదిలాబాద్, కరీంనగర్ జిల్లాలకు భారీ వర్షం పడే అవకాశముందని హైదరాబాద్ వాతావరణ కేంద్రం పేర్కొంది. తెలంగాణలో నేటి నుంచి నాలుగు రోజుల పాటు వర్షాలు పడతాయని ప్రజలు అలెర్ట్ గా ఉండాలని సూచించింది. కొన్ని జిల్లాలకు ఎల్లో అలెర్ట్ జారీ చేయగా, కొన్ని జిల్లాలకు ఆరెంజ్ అలెర్గ్ జారీ చేసింది. హైదరాబాద్ నగరంలో కూడా రానున్న ఐదు రోజుల పాటు భారీ వర్షాలు పడతాయని వాతావరణ కేంద్రం తెలపడంతో గ్రేటర్ మున్సిపల్ శాఖ అధికారులు అప్రమత్తమయ్యారు.