Rain Alert : వర్షాలు కుమ్మేస్తాయట.. హై అలెర్ట్ ప్రకటించిన వాతావరణ కేంద్రం

ఉత్తర కోస్తాంధ్రతో పాటు దక్షిణ కోస్తా ప్రాంతంలో భారీ వర్షాలు రాయలసీమలో మోస్తరు నుంచి తేలికపాటి వర్షాలు పడతాయని తెలిపింది. గంటకు నలభై నుంచి యాభై కిలోమీటర్ల వేగంతో ఈదురుగాలులు వీచే అవకాశముందని కూడా తెలిపింది. హోర్డింగ్ లు, చెట్ల కింద నిలబడవద్దని కూడా వాతావరణ శాఖ తెలిపింది. పలుచోట్ల పిడుగులు పడే అవకాశముందని కూడా పేర్కొంది. ఈ నెల 27వ తేదీన మరో అల్పపీడనం బంగాళాఖాతంలో ఏర్పడనున్నందున ఇక రానున్న రోజుల్లో ఏపీలో భారీ వర్షాలు కుమ్మేస్తాయని చెప్పింది. ప్రజలు అందుకు అవసరమైన ముందస్తు చర్యలు తీసుకోవాలని సూచించింది. ఎవరూ అనవరంగా వర్షం కురిసే సమయంలో బయటకు రావద్దని కూడా తెలిపింది.

తెలంగాణలోనూ రాగల ఐదు రోజుల్లో భారీ నుంచి అతి భారీ వర్షాలు పడతాయని హైదరాబాద్ వాతావరణ శాఖ తెలిపింది. గంటకు యాభై నుంచి అరవై కిలోమీటర్ల వేగంతో ఈదురుగాలులు వీస్తాయని కూడా తెలిపింది. కొన్ని జిల్లాలకు ఇప్పటికే హైదరాబాద్ వాతావరణ కేంద్రం ఆరెంజ్ అలెర్ట్ జారీ చేసింది. ఈరోజు జోగులాంబ గద్వాల్, నారాయణపేట్, వనపర్తి, నాగర్ కర్నూల్, మహబూబ్ నగర్, కామారెడ్డి, సంగారెడ్డి, వికారాబాద్, మేడ్చల్ మల్కాజ్ గిరి, హైదరాబాద్, రంగారెడ్డి, భువనగిరి, సిద్ధిపేట్, జనగాం, హన్మకొండ, వరంగల్, సూర్యాపేట్, నల్లగొండ, ఖమ్మం, ములుగు, కొత్తగూడెం, జయశంకర్ భూపాలపల్లి, పెద్దపల్లి, కరీంనగర్, రాజన్న సిరిసిల్ల, నిజామాబాద్, నిర్మల్,మంచిర్యాల, ఆసిఫాబాద్,ఆదిలాబాద్ జిల్లాల్లో భారీ వర్షాలు పడే అవకాశముందని హైదరాబాద్ వాతావరణ కేంద్రం హెచ్చరికలు జారీ చేసింది.