కడప రెడ్డమ్మ కుర్చీ గోల... కంటిన్యూ అవుతున్నట్లుందిగా

అంతే కాదు జాయింట్ కలెక్టర్ అతిధి సింగ్ ను నిలదీయడం కూడా సోషల్ మీడియాలో వైరల్ అయింది. సాధారణంగా ప్రొటోకాల్ ప్రకారం అధికారులు వేదికపై కుర్చీలు వేస్తారు. కానీ మాధవి రెడ్డి మాత్రం వెరీ వెరీ స్పెషల్ గా కనిపిస్తున్నారు. మిగిలిన నియోజకవర్గాల్లో తలెత్తని సమస్య ఒక కడప జిల్లాలోనే ఎందుకు ఎదురువతుందని టీడీపీ నేతలే ప్రశ్నిస్తున్నారు. ఎమ్మెల్యేను రాష్ట్రంలో ఎక్కడా వేదికపైకి అనుమతించరు. మంత్రులు, ఉన్నతాధికారులు మాత్రమే స్టేజీపై ఉంటారు. ఆ విషయం సౌమ్యంగా చెప్పినా వినిపించుకోని మాధవి రెడ్డి తనకు అవమానం జరిగిందని ఫీలవుతూ కొద్దిసేపు తన భర్తతో కలిసి అక్కడే నిలబడి వేడుకలు ముగియకముందే అక్కడి నుంచి వెళ్లిపోయారు.

తర్వాత జిల్లా కలెక్టర్ చెరుకూరి శ్రీధర్ తో పాటు జాయింట్ కలెక్టర్ అతిధి సింగ్ కూడా కుర్చీ వేయించి రావాల్సిందిగా రావాలని కోరినా ఆమె వినకుండా అక్కడి నుంచి విసవిసా వెళ్లిపోయారు. అలిగి వెళ్లిపోతే ఎవరికి నష్టం? గతంలో కార్పొరేషన్ లో రగడ చేసినా అక్కడ ఉన్నది ప్రతిపక్ష మేయర్ కావడంతో పార్టీ నాయకత్వం కూడా పెద్దగా పట్టించుకోలేదు. కానీ ఇప్పుడు ఏకంగా అధికారులపైనే చిందులు తొక్కడమేంటని టీడీపీ నేతలే ప్రశ్నిస్తున్నారు. ఎమ్మెల్యేలకు వేదికపై చోటు కల్పించాలంటే కష్టమని చెబుతున్నప్పటికీ ఆమె కు చెప్పేవారే అక్కడ లేరు. చెప్పినా వినిపించుకునే స్థితిలో లేరు. మొత్తం మీద కడప ఫస్ట్ టైం ఎమ్మెల్యే మాధవిరెడ్డి మాత్రం తరచూ వివాదాలతో.. కుర్చీ కొట్లాటలతో వార్తలకు ఎక్కుతుండటం అధిష్టానానికి తలనొప్పిగా మారింది.